ءبىر سۋرەتتىڭ تاريحى: بەيتانىس ارۋ

20.06.2017 03:19

استانا. قازاقپارات - بيىل ورىس پورترەتيسى يۆان نيكولايەۆيچ كرامسكويدىڭ تۋعانىنا 180  جىل. ونىڭ تۋىندىلارىندا سول زاماننىڭ بەلگىلى ادامدارى بەينەلەنگەن جانە ولاردىڭ ءارقايسىسى ونەرسۇيەر قاۋىمعا جاقسى تانىمال. ءتىپتى، "بەيتانىس ارۋىنىڭ" ءوزى دە ايتارلىق تانىس.

 اتالعان كارتينا كرامسكوي شىعارماشىلىعىندا عانا، بارشا الەمدە ەڭ كوپ تارالعان تۋىندى. ونەر الەمىنىڭ قۇپياعا قۇشتارلىعىنا وراي كارتينا اتاۋى كوپشىلىك كوڭىلىن بىردەن اۋداردى. ءبىراق، ءبىر قىزىعى، كارتينا قانشا اتاقتى بولعانىمەن، "بەيتانىس ارۋ" سول بەيتانىس كۇيىندە قالدى. ونىڭ كىم ەكەندىگى تۋرالى ءتۇرلى اڭىزدار ءالى كۇنگە دەيىن ەل كەزىپ ءجۇر. سولاردىڭ كەڭ تارالعان بەسەۋىنە توقتالىپ وتەيىك:

 1. ءبىرىنشى بولجام بويىنشا، كارتينادا دۆوريانعا تۇرمىسقا شىققان ماترەنا ساۆۆيشنا ەسىمدى قاراپايىم كرەستيان قىز بەينەلەنگەن. كرامسكوي ونىمەن العاش رەت سانكت- پەتەربور قالاسىندا جولىعىپ، سۇلۋلىعىنا ءتانتى بولادى. كەيىن وعان كارتينا ارنايدى دەسەدى.

 2. بەلگىسىز ارۋعا قاتىستى ادەبي بولجام دا جوق ەمەس. كارتينا سالىناردان بىرنەشە جىل بۇرىن ورىس ادەبيەتىنىڭ جاقۇتى "اننا كارەنينا" رومانى جارىق كورگەن بولاتىن. باستى كەيىپكەردىڭ بەينەسىنە ەلىتكەن قىلقالام شەبەرى اتاقتى كارتيناسىن رومان ىقپالىمەن جازدى دەپ تە ايتادى. كەيبىرەۋلەر سۋرەتتە دوستويەۆسكيدىڭ "يديوتىنداعى" ناستاسيا فيليپپوۆنا بەينەلەنگەن دەيدى.

 3. كرامسكوي زامانىنىڭ سىنشىلارى كارتينادا جيىنتىق وبراز بەينەلەنگەنىنە سەنىمدى. ولار سول كەزدە "قىمبات كامەليا" دەگەن اتاۋمەن بەلگىلى، ياعني، باي كاۆەلەردىڭ شوتىنا ءومىر سۇرەتىن "ۇلكەن قالانىڭ تۋماسىن" كورەتىنىن جازعان.

 4. كەي گيپوتەزا بويىنشا سۋرەتشى پورترەتتى ءوز قىزى سوفيا كرامسكايادان سىزعان ەكەن. مۇنداي بولجام جاساۋعا سەبەپ - سۋرەتتەگى ارۋ كەلبەتىنىڭ سۋرەتشى قىزىنا ارناعان كارتينالارىنا قاتتى ۇقساس بولۋى. مىسالى، ولاردىڭ قاتارىندا "مىسىق ۇستاعان قىز" كارتيناسى دا بار.

 5. سوڭعىسى ەڭ رومانتيكالىق بولجام دەسەك تە بولادى. بۇل پىكىر يگور وبولەنسكيدىڭ "سۇلۋلىق تاعدىرى. گرۋزين ايەلدەر ءومىرى" اتتى كىتابىندا جازىلعان. ونىڭ ويىنشا، بەلگىسىز ارۋ - الەكساندرانىڭ فاۆوريتكاسى كنياجنا ۆارۆارا تۋركەستانيشۆيلي. تاڭداۋلىسى تۇقىمىن جالعار مۇراگەر تاۋىپ بەرە الماعاندىقتان ۋاقىت وتە يمپەراتوردىڭ سەزىمى سۋىپ كەتەدى. قىرانىنان كوڭىلى قالعان ارۋ ءوز- وزىنە قول جۇمسايدى. حاس سۇلۋدىڭ قاتال تاعدىرى قىلقىلىم شەبەرىن كارتينا جازۋعا يتەرمەلەدى دەيدى كىتاپ اۆتورى.

Massaget.kz

پئكئر قالدئرؤ


قازاقپارات