سەمەيلىك اجەلەر اعىلشىن ءتىلىن ۇيرەنىپ ءجۇر

20.06.2017 02:03

استانا. قازاقپارات - سەمەيلىك اجەلەر زامان كوشىنەن قالىسار ەمەس. العىر اپالار اعىلشىنشا ۇيرەنىپ ءجۇر. ءبىرى ا ق ش- تاعى نەمەرەسىنە بارۋعا دايىندالىپ جاتسا، ەكىنشىسى جەكە كاسىپ اشۋعا نيەتتى. «ەكسپو-2017» كورمەسىنە بارۋ دا ويىندا بار.

قالالىق ورتالىق كىتاپحانادا 58 دەن 80 جاسقا دەيىنگى زەينەتكەرلەر ءۇشىن اعىلشىن ءتىلىن ۇيرەنۋ كۋرسى اشىلدى. دارىستەر تەگىن جۇرگەندىكتەن، قىزىعۋشىلىق جوعارى دەسەدى. سونىمەن قاتار كومپيۋتەر مەڭگەرىپ، عالامتورمەن جۇمىس ىستەۋ تاسىلدەرىن دە ۇيرەنۋگە مۇمكىندىك كوپ. اپتاسىنا 2 رەت وتەتىن كۋرستى ءتامامداعان تۇلەكتەرگە ارنايى كۋالىك بەرىلەدى.

رىسكۇل قۇدىسوۆا، زەينەتكەر:

- قايدا بارساڭ، ينتەرنەت، سوندىقتان اعىلشىنشا ءبىلۋ كەرەك. قازىر نە كوپ، كومپانيا كوپ. بارىنە كىرگىڭ كەلەدى، ءبىز دە قارتايدىق دەمەي، تابىس تاپقىمىز كەلەدى، بالا، نەمەرە، شوبەرە بار. كومەكتەسكىمىز كەلەدى. ءبىز سياقتى ولار دا تالاپتانىپ، نيەتتەنسىن دەيمىز. قيىن عوي ءبىزدىڭ قارتايعان شاعىمىزدا، ءبىراق تالاپتانىپ وقىپ جاتىرمىز. كەرەك قوي ەندى، ومىرگە ەڭ قاجەتتى وسى ينتەرنەت بولىپ تۇر عوي.

حابار 24

پئكئر قالدئرؤ


قازاقپارات