ەكسپو كورمەسىنىڭ اۋقىمى فيدەل كاسترونىڭ ۇلىن تاڭعالدىردى

19.06.2017 20:48

استانا. قازاقپارات - بۇگىن كۋبا مەملەكەتتىك كەڭەسىنىڭ عىلىم بويىنشا كەڭەسشىسى، كۋبا عىلىم اكادەمياسىنىڭ ۆيتسە- پرەزيدەنتى فيدەل كاسترو دياس- بالارت استاناداعى WSEC-2017 كونگرەسس جۇمىسىنا قاتىسۋعا كەلدى،

 دەپ حابارلايدى قازاقپارات.

 استانادا وتكەن دۇنيەجۇزىلىك ينجەنەرلەر كونگرەسسى مەن عالىمداردىڭ رەسمي باسپا ءسوز كونفەرەنسياسىندا كۋبالىق فيزيك- يادروشى فيدەل كاسترو دياس- بالارت ەكسپو، استانا جانە عىلىمنىڭ ادامزات ءۇشىن ماڭىزدىلىعى تۋرالى ايتتى، دەلىنگەن ق ر ب ع م عىلىم كوميتەتىنىڭ سايتىندا.

«- مەن ءۇشىن وسىنداي ماڭىزدى كونگرەسستە ءسوز سويلەۋ مارتەبە. بۇل شارادا ەنەرگەتيكا مەن ءوندىرىس سالاسىنداعى ءار ەلدەردىڭ عالىمدارى مەن ينجەنەرلەرىنىڭ بىرلەسكەن ەڭبەگىن تانىتىپ، دۇنيەتانىمىن كەڭەيتۋگە جول اشادى. WSEC جوعارى تەحنولوگيالىق ەنەرگەتيكالىق تەحنولوگيادا، زاماناۋي ەنەرگەتيكانىڭ بەلگىلى جەتىستىكتەرى مەن ترەندتەر بويىنشا تاجىريبە الماسۋدا تاپتىرماس الاڭ بولىپ تابىلادى»، - دەيدى فيدەل كاسترو دياس- بالارت.

 كۋبالىق وسىمەن ەكىنشى رەت استاناعا كەلگەن. العاش 2015 -جىلى بولعان. بۇل جولى دا قالامەن تانىسىپ، وزگەرگەنىن ايتۋدا.

 «- مەن ءالى كورمەنى كورگەن جوقپىن. الايدا مەن شەت جاعاسىن بايقاعانىمنىڭ ءوزى بۇل قازاقستان ءۇشىن ەرەكشە وقيعا. ەكسپو- نىڭ كولەمى دە تاڭعالدىرادى. جاقىن كۇندەرى ارنايى بارىپ، ەنەرگەتيكا سالاسىنداعى بارلىق زاماناۋي تەحنولوگيامەن تانىساتىن بولامىن. مەن عىلىم ءار ادامنىڭ مادەني دامۋىنىڭ ءبىر بولشەگى دەپ ەسەپتەيمىن. كوپتەگەن ساياسي كوشباسشىلار عىلىم سالاسىندا ەڭبەك ەتكەن. مەنىڭ بىلۋىمشە، قازاقتان رەسپۋبليكاسىنىڭ پرەزيدەنتى نۇرسۇلتان نازاربايەۆ ساياسي باسشى بولسا دا، عىلىمي ءبىلىم- بىلىگى جوعارى»، - دەيدى فيدەل كاسترو دياس- بالارت.

عالىم استانالىق كونگرەسس الەمدىك ييع دامۋىنا، ىسكەرلىك مۇمكىندىكتەر مەن تاجىريبە الماسۋ ورنىنا اينالاتىنىنا سەنىمدى. فيدەل كاسترو دياس- بالارت، عىلىم الەمىندە حوسە راۋل رەتىندە تانىمال. ول ءوزىنىڭ شىن ەسىمىن جاقىندا عانا ايتتى. ونىڭ سوزىنشە، فيدەل كاستروعا تۋىستىق قاتىسى بار ەكەنىن ۇزاق جىلدار بويى قۇپيا ۇستاۋىنىڭ وزىندىك سەبەبى بار ەكەن. فيدەل كاسترو دياس- بالارت بۇگىن 19- ماۋسىم كۇنى استانادا WSEC-2017 فورۋمىندا بايانداما جاسايدى.

ەستەرىڭىزگە سالامىز، ەلوردادا ينجەنەر عالىمداردىڭ دۇنيەجۇزىلىك كونگرەسسى باستالدى. الەمنىڭ 51 ەلىنەن مىڭنان استام وكىلدەر كەلدى. ولاردىڭ ىشىندە بەدەلدى عالىمدار دا بار. كونگرەستىڭ تاقىرىبى: بولاشاق ەنەرگياسىن جۇزەگە اسىرۋ ادىستەرى. كونگرەسس تەك قازاقستاندا عانا ەمەس، سونداي- اق ورتالىق ازيادا ءبىرىنشى رەت ۇيىمداستىرىلۋدا. فورۋمعا 1000 نان استام عالىمدار، ينجەنەرلەر، ءبىلىم، بيزنەس، مەملەكەتتىك ورگان وكىلدەرى، حالىقارالىق ۇيىمدار قاتىسۋدا.

پئكئر قالدئرؤ


قازاقپارات