ساراپشىلار قىزىل شيە نەگە قاۋىپتى ەكەنىن ايتتى

19.06.2017 21:53

استانا. قازاقپارات-  جاز باستالعاندا كوپشىلىكتىڭ اسىعا كۇتەتىن نارسەلەرىنىڭ ءبىرى -  دەنساۋلىققا پايدالى جەمىس- جيدەكتەر ماۋسىمى. الايدا، ولاردىڭ كەيبىرى دەنساۋلىققا پايدا ەمەس، زيان تيگىزىپ جاتاتىن كەزدەرى بولادى.  

 قىزىل شيە (چەرەشنيا) شىن مانىندە ەمدىك قاسيەتتەرگە تولى جيدەك بولىپ تابىلادى. كوپتەگەن زەرتتەۋلەر بۇل جيدەكتىڭ ادام بالاسىن سۇلۋ ەتىپ كورسەتۋگە كومەگى مول ەكەنىن دالەلدەپ شىقتى. ونىڭ قۇرامىندا تىرناققا، شاشقا جانە تەرىگە يگى ىقپال ەتەتىن ب1 جانە ب2 ۆيتامينى بار.

 « قىزىل شيە بەزەۋ، ەسەكجەم (قىشىما) جانە تەڭگە قوتىر (پسورياز) سەكىلدى ءارتۇرلى تەرى اۋرۋلارى كەزىندە جاقسى كومەكتەسەدى»، - دەيدى ماماندار.

 بۇعان قوسا، قىزىل شيەدە سۇيەكتى، ءتىستى قاتايتاتىن، سونداي- اق كوزدىڭ جاقسى كورۋى ءۇشىن اسا ماڭىزدى بولىپ سانالاتىن ا پري ۆيتامينى بار.  

 قۇرامىندا انتيوكسيدانتتار كوپ بولعاندىقتان قىزىل شيە قارتايۋ پروتسەسىن باياۋلاتادى جانە جاسۋشالاردىڭ رەگەنەراتسيالانۋىنا ىقپال ەتەدى. بۇل جەمىستى تۇراقتى تۇردە تۇتىنۋ جۇرەك- قان تامىرى جۇيەسىنىڭ قىزمەتىن جاقسارتادى. دارىگەرلەردىڭ ايتۋى بويىنشا، قىزىل شيەنىڭ ءتۇسى قويۋ ءتۇرى گيپەرتونيا كەزىندە اسا پايدالى ەكەن -  قان قىسىمىن تومەندەتەدى، ال قۇرامىنداعى انتوتسياندار قىلتامىرلاردى نىعايتادى.  

 سونىمەن قاتار، قىزىل شيە اس قورىتۋ جۇيەسىن قالپىنا كەلتىرۋ ءۇشىن دە وتە پايدالى. « قىزىل شيە جەمىستەرى زات الماسۋدى جاقسارتادى جانە اس قورىتۋعا جاقسى اسەر ەتەدى -  اش قارىنعا جەگەن كەزدە ول ءىش قاتۋدان كومەكتەسەدى، سونداي- اق اسقازان تۇينەپ اۋىرعان كەزدە وتە ءتيىمدى» ، - دەپ باعا بەرەدى تەراپيەۆت- دارىگەرلەر.

 سوعان قاراماستان، قىزىل شيە ىشەكتىڭ جابىسىپ قالۋىنان زارداپ شەگەتىن جانداردىڭ حال- جاعدايىنا كەرى اسەرىن تيگىزۋى مۇمكىن. سونداي- اق، اسقازان جاراسى، اسقازان ءسولىنىڭ قىشقىلدىعىمەن گاستريت، ءىشتىڭ كەبۋى سەكىلدى اۋرۋلارى بار ادامداردىڭ دا قىزىل شيەنى اسا ساقتىقپەن جەگەنى دۇرىس. قانت ديابەتىنە شالدىققان جاندار دا ءوز دەنساۋلىقتارىن ناشارلاتىپ الماس ءۇشىن جيدەكتىڭ بۇل ءتۇرىن تۇتىنباۋعا كەڭەس بەرەدى.  

 عالىمداردىڭ ايتۋى بويىنشا، قىزىل شيەنى اس ءىشىپ بولعان سوڭ بىردەن جەۋگە بولمايدى: تاماقتانعاننان كەيىن كەم دەگەندە 30 مينۋت وتكەنشە كۇتە تۇرعان ءجون. سونىمەن قاتار، جيدەكتىڭ بۇل ءتۇرىن اسا كوپ مولشەردە جەگەن جاعدايدا ادامدا ءىش ءوتۋى (ديارەيا) بولۋى مۇمكىن.  

 دەرەككوزى: https://www.medikforum.ru

پئكئر قالدئرؤ


قازاقپارات