ءجىتىقارادا 8 كوشەنىڭ اتاۋى قازاقشالانباق

13.10.2017 15:22

قوستاناي. قازاقپارات - قوستاناي وبلىسىنا قاراستى ءجىتىقارا اۋدانى اكىمدىگىندە 8 كوشەنىڭ اتاۋىن قازاقشالاۋ تۋرالى ماسەلە كوتەرىلدى، دەپ حابارلايدى قازاقپارات ءتىلشىسى.

 ءجىتىقارا اۋدانىنداعى كوشەلەردىڭ اتاۋىن وزگەرتۋ تۋرالى ۇسىنىستاردى قاراستىرۋ بويىنشا جۇمىس توبىمەن وتىرىس ءوتتى. باسقوسۋعا جۇمىس توبىنىڭ مۇشەلەرى مەن تۇرعىندار قاتىستى. اۋداندىق مادەنيەت جانە تىلدەردى دامىتۋ ءبولىمىنىڭ جەتەكشىسى جاڭىلدىق المۇحامەتوۆانىڭ سوزىنشە، تۇرعىندار كوشە اتاۋلارىن وزگەرتۋ تۋرالى اۋدان اكىمى اباي يبرايەۆتىڭ اتىنا بىرنەشە مارتە حات جازعان. سوندىقتان ءوڭىر باسشىسىنىڭ ۇسىنىسىمەن جۇمىس توبى قۇرىلعان- تىن. تاراپتاردىڭ ءوزارا كەلىسىم بويىنشا كەلەسى كوشەلەردى وزگەرتۋ قاراستىرىلدى: «40 لەت وكتيابريا» كوشەسىنە - «بىرلىك» ، «كارل ماكس» - «دوستىق» ، «اەرودرومنايا» - «بايتەرەك» ، «شيەۆچەنكو» - «بەيبىتشىلىك» ، «كوماروۆ» - «بەرەكە» ، «سورس» - «بوستاندىق» ، «نوۆايا» - «جاقسى» ، «ستەپنايا» - «كەڭ دالا» . سونداي- اق، جۇمىس توبى ورتالىق الاڭدى «تاۋەلسىزدىك الاڭى» دەپ اتاۋ تۋرالى ۇسىنىس ءبىلدىردى.

 وسى ماسەلەگە بايلانىستى قورىتىندى جيىن ەرتەڭ وتەدى. كوشە تۇرعىندارى كەلىسسە، جىل اياعىنا دەيىن 8 كوشە مەن ورتالىق الاڭ جاڭا اتاۋعا يە بولادى.

 

اۆتور: باتىر جولاي ۇلى

پئكئر قالدئرؤ


قازاقپارات