عالىمدار: ۇيقىسى قانباعان ادام قوعام ءۇشىن وتە قاۋىپتى

15.11.2017 00:08

 استانا. قازاقپارات - ۇيقىنىڭ ازدىعى ادام ءۇشىن ىشىمدىكتەن دە زيان. سەبەبى، ۇيقىسى قانباعان ادامدار جول اپاتىنا ءجيى ۇشىرايدى.

بۇل تۋرالى Stan.kz حابارلايدى.

عالىمدار ۇيقىنىڭ ازدىعى اينالامىزدا بولىپ جاتقان قۇبىلىستاردى قابىلداۋىمىزعا تىكەلەي اسەر ەتەتىنىن ايتىپ دابىل قاقتى. مۇنداي تۇجىرىمدى لوس- اندجەلەستەگى كاليفورنيا ۋنيۆەرسيتەتىنىڭ زەرتتەۋشىلەرى جاساپتى.

 زەرتتەۋشىلەر تاجىريبە رەتىندە ەپيلەپسياعا ۇشىراعان 12 ناۋقاستىڭ ميىن ءوزارا سالىستىرعان. ولاردىڭ ميلارىنا ارنايى ەلەكترودتار ەنگىزىلدى. ونان سوڭ، ولارعا ءارتۇرلى سۋرەتتەردى كورسەتەدى. از ۇيىقتاعان ادامدار بۇل سۋرەتتەردى ءبىر- بىرىنەن وڭايلىقپەن اجىراتا المايدى. ياعني، مي جاسۋشالارىنىڭ جىلدامدىعى تومەندەگەن.

 «ءبىز ۇيقىنىڭ ازدىعى مي ءىسىن قالاي باسەڭدەتەتىنىن بايقاعانىمىزدا تاڭ قالدىق. ادەتتە جىلدام جۇمىس جاساپ جاسايتىن نەيرونداردىڭ جىلدامدىعى باسەڭدەپ، ادەتتەگىدەن ۇزاق جۇمىس جاسادى»، - دەيدى دارىگەر يۋۆال نير.

ادام قانشا سەرگەك بولۋعا تىرىسقانىمەن، ونىڭ ميىنىڭ ءبىر بولىگى ۇيىقتاپ جاتقان. بۇل ادامنىڭ كورۋ جانە ەستە ساقتاۋ قابىلەتتەرىن تومەندەتەدى. بۇنداي ناۋقاستار كولىك ايداعاندا جاياۋ جۇرگىنشىلەر جولىن دا بايقاماۋى مۇمكىن. يتجاك فريدتىڭ ايتۋىنشا، ۇيقىنىڭ ازدىعى ادام ميىنا اسەر ەتەتىن كوپتەگەن الكوگولدىك سۋسىنداردىڭ زيانىمەن تەڭ.

پئكئر قالدئرؤ


قازاقپارات