بۇيرەككە تاس جينالۋ. قالاي ەمدەۋگە بولادى؟

15.11.2017 02:01

 استانا. قازاقپارات - بۇيرەككە تاس جينالسا، ونىڭ شىعۋى ازاپ ەكەنىن سول سىرقاتقا ۇشىراعاندار جاقسى بىلەدى.

سونىمەن قاتار ول بىرنەشە ساعات ىشىندە دە، بىرنەشە كۇن بويى دا شىعىپ ءبىتۋى مۇمكىن. سونىڭ شىعۋىن تەزدەتۋ امالدارى بار. ءبىز بۇگىن سول تۋرالى ايتامىز.

 1. بۇيرەكتەگى تاستى قۋىققا ايداپ تاستاۋ ءۇشىن كۇن سايىن 3 ليتردەن ارتىق سۋ ءىشىڭىز. شىعاتىن ءزار ءموپ- ءمولدىر بولعانشا ءىشىپ ءجۇرۋ كەرەك.

 2. بۇيرەگىڭىز كەنەت اۋىرعاندا باقباقتان جاسالعان شايدى مۇمكىندىگىنشە كوپ ءىشىڭىز. ول ءزاردىڭ شىعۋىن مەيلىنشە كۇشەيتىپ، سونىمەن بىرگە تاستىڭ شىعۋىنا جاردەمدەسەدى دە، قاننىڭ بۇيرەك ارقىلى اينالىمىن جاقسارتادى. كەپتىرىلگەن باقباقتىڭ 2 شاي قاسىعىن 1 شىنى سۋعا سالىپ، 15 مينۋت دەمدەڭىز.

3. جۇگەرىنىڭ شاشاعىنان نەمەسە بيدايىقتان جاسالعان شايدى كۇن سايىن 2-3 شىنىسىن ءىشىپ كورىڭىز. ولار ءزار ايدايدى ءارى بۇيرەكتە تاس جينالۋىنىڭ الدىن الادى.

 4. بۇيرەككە تاس بايلانعاندا قوزعالۋدىڭ ءوزى ءبىر ازاپ. شاماڭىز كەلسە ازداپ ءجۇرىپ كورىڭىز. ول بۇيرەكتەن تاستىڭ شىعۋىنا جاردەمدەسەدى.

 5. بۇيرەككە تاس جينالۋىنىڭ نىشانى بايقالعان بويدا سەرەنوا پالماسىنىڭ جەمىسىنەن جاسالعان دارمەكتىڭ 2 كاپسۋلاسىن (160 م ل) ءىشىپ جىبەرىڭىز. تاس بىردەن شىعا قويماسا، ول شىعىپ بىتكەنشە سول دارمەكتى ىشە بەرىڭىز. ول باياعىدان قولدانىلىپ كەلە جاتقان امال.

 6. تاس بايلانباۋدىڭ امالدارى دا جەتەرلىك. كوبىنە- كوپ سۇيىقتىقتى مول ىشۋگە تىرىسىڭىز. كۇنىنە 2-10 شىنى سۋ ىشكەنىڭىز ابزال.

 7. زاردەگى كالتسي دەڭگەيىن تومەندەتۋ، ءسويتىپ قايتادان تاس جينالۋىنا جول بەرمەس ءۇشىن تاماعىڭىزدا ناتري از بولسىن. اۋەلى جارتىلاي دايىن ءونىمدى، كونسەرۆىلەنگەن سورپا، كوجە پايدالانۋدى ازايتىڭىز. كۇنىنە ىشەتىن تاماعىڭىزدا ناتريي كولەمى 2400 م ل كوپ بولماسىن. ناتريي -  اس تۇزى.

 8. مۇكجيدەك ءسولىنىڭ 2 شىنىسىن كۇن سايىن ءىشىڭىز. ول كالتسيدى % 50 ازايتادى.

 9. ونى جاقتىرماساڭىز اپەلسين نە سۋ قوسىلعان ليمون ءشارباتىنىڭ 1 شىنىسىن 3/2- ءسىن تاماقپەن بىرگە ءىشىپ تۇرىڭىز.

 massaget.kz

پئكئر قالدئرؤ


قازاقپارات