پوليتسەي قىلمىسكەردەن 400 مىڭ تەڭگە پارا الىپ جاتقان جەرىنەن ۇستالدى

07.12.2017 21:39

استانا. قازاقپارات - پوليتسيا قىزمەتكەرى پارا الىپ جاتقان جەرىندە ۇستالدى دەپ حابارلايدى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ قوستاناي وبلىسى بويىنشا دەپارتامەنتىنىڭ باسپا ءسوز قىزمەتى.

6- جەلتوقسان ۇلتتىق بيۋرو دەپارتامەنتى جەدەل ىزدەستىرۋ شارالارى بارىسىندا قوستاناي ءى ءى ب سولتۇستىك پوليتسيا ءبولىمىنىڭ تەرگەۋ بولىمشەسىنىڭ قىزمەتكەرىن قىلمىس ۇستىندە ۇستادى.

«ول ۇرلىق فاكتىسى بويىنشا قىلمىستىق جاۋاپكەرشىلىككە تارتپاۋ ءۇشىن س. ەسىمدى ازاماتتان 400000 تەڭگە سوماسىندا پارا الىپ جاتقان جەرىندە ۇستالدى.

ول كىناسىن تولىق مويىنداپ، تەرگەۋمەن كەلىسىمگە كەلگەندىكتەن، وعان قاتىستى قىلمىستىق پروتسەسسۋالدىق كودەكسىنىڭ 128- بابىنىڭ نەگىزىندە شارا قولدانىلعان جوق»، - دەپ حابارلادى بيۋروداعىلار.

پئكئر قالدئرؤ


قازاقپارات