قارتايۋدى تەجەيتىن ءدارىنىڭ راكتى دا ەمدەيتىنى انىقتالدى

07.12.2017 22:13

 استانا. قازاقپارات - كانادالىق عالىمدار مەتفورمين پرەپاراتى ءسۇت بەزى قاتەرلى ىسىگىنىڭ الدىن الۋعا دا كومەكتەسەتىنىن انىقتادى، دەپ حابارلايدى اقپارات.

زەرتتەۋ ناتيجەسى PLoS ONE جۋرنالىندا جاريالاندى.

ماماندار MCF7 راك كلەتكالارىنا مەتفورميننىڭ قالاي اسەر ەتەتىنىنە باقىلاۋ جۇرگىزگەن. ناتيجەسىندە ول كلەتكالاردىڭ پروليفەراتسياسىنا كەدەرگى جاساعان.

ولاردىڭ بولجاۋىنشا، مەتفورميندى قاتەرلى ىسىكتىڭ الدىن الاتىن ەمدەۋ قۇرالى رەتىندە ابدەن قاراستىرۋعا بولادى.

عالىمدار پرەپاراتتى قابىلداعاننان كەيىنگى تەراپيالىق اسەرىن باعالاۋدى جوسپارلاپ وتىر.

ەمدەلۋشىلەرگە مەتفورميندى 2- دەڭگەيلى قانت ديابەتىندە تاعايىندايدى.

ايتا كەتسەك، بۇعان دەيىن امەريكالىق عالىمدار مەتفورميندى قارتايۋدى تەجەيتىن بىردەن ءبىر ءتيىمدى پرەپارات ەكەنىن انىقتاعان بولاتىن. ول ادام اعزاسىنا ەنەتىن وتتەگى كولەمىن ۇلعايتادى. سونداي- اق، كارديفف ۋنيۆەرسيتەتىنىڭ ماماندارى قانت ديابەتىمەن اۋىراتىن ادامدار اراسىندا مەتفورميندى قولداناتىنداردىڭ ءومىر ءسۇرۋ مۇمكىندىگى سەگىز جىلعا ۇزارعانى انىقتالعان بولاتىن.

 

Baq.kz

پئكئر قالدئرؤ


قازاقپارات