قالىڭدىق ۇرلاۋعا قاتىستى ىستەر كوبىنە تاراپتاردىڭ تاتۋلاسۋىمەن اياقتالادى

13.01.2018 16:48

استانا. قازاقپارات - وتكەن جىلى قازاقستاندا قالىڭدىق ۇرلىعىنا قاتىستى 12 قىلمىستىق ءىس تىركەلدى.

بۇل تۋرالى قازاقپاراتقا ق ر ءى ءى م مەملەكەتتىك ءتىل جانە اقپارات دەپارتامەنتىنەن حابارلاندى.

ەلىمىزدىڭ وڭىرلەرىندە قىز الىپ قاشۋ ءداستۇرى ساقتالۋدا. الايدا زاڭ وزگەرگەن بۇگىنگى جاعدايدا ەگەر قىزدى كەلىسىمىنسىز الىپ قاشسا، بۇل تۇرعىدا ءتيىستى جازا قاراستىرىلعان.

«2016-2017-جىلدارى ەلىمىزدە قالىڭدىق ۇرلاۋعا قاتىستى 12 قىلمىستىق ءىس تىركەلىپ، ونىڭ ەكەۋى سوتقا جولداندى. ال قالعاندارى تاراپتاردىڭ تاتۋلاسۋى جانە قىلمىس قۇرامىنىڭ بولماۋىنا بايلانىستى قىسقارتىلدى»، - دەپ اتاپ وتىلگەن ق ر ىشكى ىستەر مينيسترلىگىنىڭ مالىمەتىندە.

بۇدان بولەك، ۆەدومستۆو وتكەن جىلى وتباسىنداعى داۋ-جانجالدارعا قاتىستى تىركەلگەن دەرەكتەردى دە حابارلادى.

«2017-جىلى وتباسىلىق-تۇرمىستىق قارىم-قاتىناستار سالاسىندا ق ر اكىمشىلىك قۇقىق بۇزۋشىلىق تۋرالى كودەكسىنىڭ 73- بابى بويىنشا (وتباسىلىق-تۇرمىستىق قارىم-قاتىناستاردا زاڭعا قايشى ءىس-ارەكەتتەر) 27 مىڭ قۇقىق بۇزۋشىلىق تىركەلدى»، - دەلىنگەن مينيسترلىك جاۋابىندا.

پئكئر قالدئرؤ


قازاقپارات