پحەنچحان: قازاقستاندىق سپورتشىلاردىڭ جارىستىڭ 5- كۇنىندەگى ناتيجەلەرى

14.02.2018 08:05

پحەنچحان. قازاقپارات - 13 -اقپان كۇنى وڭتۇستىك كورەيانىڭ پحەنچحان قالاسىندا ءوتىپ جاتقان وليمپيادا ويىندارىندا قازاق سپورتشىلارى جۇلدە الا المادى، دەپ حابارلايدى قازاقپارات ءتىلشىسى.

وليمپيادا ويىندارىنىڭ بەسىنشى كۇنى قازاقستاندىق سپورتشىلار سپورتتىڭ 4 تۇرىنەن باق سىنادى. الايدا بىردە-ءبىر سپورتشىمىز جۇلدەگە ىلىگە العان جوق.

ايتالىق، وسى كۇنى شاڭعىشى الەكسەي پولتورانيننىڭ جولىنا ۇمىتپەن قارادىق. الايدا ول كلاسسيكالىق سپرينت سايىسىنىڭ شيرەك فينالىندا ءتورتىنشى ورىنعا تابان تىرەدى. فينالعا ءبىرىنشى جانە ەكىنشى ورىندارعا قول جەتكىزگەن سپورتشىلار شىعاتىن بولعاندىقتان، بۇل كورسەتكىش پولتورانيننىڭ فينالعا شىعۋىنا جەتكىلىكسىز بولدى.

سونداي-اق، وسى سپورت تۇرىنەن ايەلدەر اراسىندا اننا شەۆچەنكو ەل نامىسىن قورعاپ، ول دا شيرەك فينالدان ارى اسا العان جوق. ول كلاسسيكالىق سپرينتتىڭ العاشقى ىرىكتەۋ سىنىنان سۇرىنبەي وتكەن بولاتىن. وكىنىشكە قاراي، شيرەك فينالدا 6-ورىنعا قول جەتكىزگەن سپورتشىمىز جارتىلاي فينالعا جەتە المادى.

ال تاۋ شاڭعى سپورتىنان سايىسقا تۇسكەن قازاقستاندىق يگور زاكۋردايەۆ جارىستى 31- ورىندا اياقتاسا، شورت-ترەكتەن 1000 مەتر قاشىقتىقتا سىنعا تۇسكەن نۇربەرگەن جۇماعازيەۆ ىرىكتەۋ كەزەڭىنەن ءسۇرىندى. ول ءوز توبىندا ءتورتىنشى ورىن الدى.

سونداي-اق، قازاقستاندىق شورتترەكشىلەر ەرلەر اراسىنداعى ەستافەتا سايىسىندا ونەر كورسەتتى. وندا دەنيس نيكيشا، نۇربەرگەن جۇماعازييەۆ، ابزال اجىعاليەۆ پەن ەركەبۇلان شامۇحانوۆ باستاعان قۇراما 5000 مەتر قاشىقتىققا سايىستا ءوز توبىندا ءۇشىنشى ورىن الىپ، فينالعا شىعا المادى. ەستافەتادا قازاقستان قۇراماسى كانادا مەن قىتاي كوماندالارىنان جەڭىلىپ قالدى.

سوڭعى جارىستى قازاقستاندىق سپورتشىلاردان كونكيشىلەر اياقتادى. اتالعان سپورت تۇرىنەن فەدور مەزەنسيەۆ پەن دەنيس كۋزين 1500 مەتر قاشىقتىققا سايىسقا تۇسكەن بولاتىن. وكىنىشكە قاراي، قازاقستاندىقتار ۇزدىك جيىرما سپورتشىنىڭ قاتارىنا ىلىنە المادى. مەزەنسيەۆ سايىستى 28-، ال كۋزين 30- بولىپ اياقتادى.

كۇنسۇلتان وتارباي

  

پئكئر قالدئرؤ


قازاقپارات