اقتاۋدا اباي مەن جانتورينگە ەسكەرتكىش قويىلماق

17.04.2018 08:39

اقتاۋ. قازاقپارات - اقتاۋ قالاسىنىڭ 55 -جىلدىق مەرەيتويىنا وراي، قازاقتىڭ ءبىرتۋار اقىنى اباي قۇنانبايەۆ پەن قازاق ك س ر- ءنىڭ حالىق ءارتىسى نۇرمۇحان جانتورينگە ەسكەركىش ورناتىلادى. بۇل تۋرالى شاھار باسشىسى عالىمجان نيازوۆ ايتتى، دەپ حابارلايدى قازاقپارات.

جيىن الدىندا قالا اكىمى عالىمجان نيازوۆ وسى جوبانى تانىستىردى. وسىعان دەيىن ءتۇرلى ديزاينەرلەر ۇسىنىسىن جولداعان. ناتيجەسىندە، الماتىلىق ءمۇسىنشىنىڭ دايىنداعان ەسكيزى تاڭدالىپتى. ەسكەركىش گرانيت تاستان جاسالماق.

اباي ەسكەرتكىشىن ۇلى اقىن اتىنداعى مادەني-دەمالىس كەشەنى ماڭايىنا ورناتۋ تۋرالى ۇسىنىس ەنگىزىلدى. ەسكەرتكىشتىڭ بيىكتىگى 5 مەتر، ەنى 3,4 مەتر بولماق.

ال، جانتورين ەسكەرتكىشى وبلىستاعى ن. جانتورين اتىنداعى مۋزىكالىق دراما تەاتر الدىنا قويىلادى. قوس تۋىندىعا بيۋجەتتەن قاراجات جۇمسالمايدى. بۇل اقتاۋ قالاسىنىڭ 55 جىلدىعىنا وراي جاسالعان مەتسەناتتاردىڭ شاھارعا تارتۋى بولماق.

پئكئر قالدئرؤ


قازاقپارات