استانادا «سەرگەك» كامەراسى ارقىلى 523 قىلمىستىق ءىس اشىلدى

17.04.2018 09:24

استانا. قازاقپارات - استانادا «سەرگەك» جۇيەسى ارقىلى 523 قىلمىستىق ءىس اشىلدى. ءبىرىنشى ماۋسىمعا دەيىن 13 مىڭ كامەرانىڭ مونتاج جۇمىستارى اياقتالىپ، ىسكە قوسىلادى، دەپ حابارلايدى ەلوردا اكىمدىگىنىڭ رەسمي سايتى.

بۇگىن باس قالاداعى احۋال ورتالىعىنا استانا قالاسىنىڭ اكىمى اسەت يسەكەشەۆ پەن «اتامەكەن» ۇ ك پ پرەزيديۋمىنىڭ ءتوراعاسى تيمۋر قۇلىبايەۆ كەلدى. ساپار بارىسىندا ولار IT تەحنولوگيا سالاسىنداعى قازاقستاننىڭ ەڭ ءبىرىنشى ەكسپورت ونىمدەرىمەن تانىستى.

ماماندار فوتو-بەينەتىركەۋ جۇيەسىن ەنگىزۋدىڭ ارتىقشىلىقتارى تۋرالى ايتىپ بەردى. مامانداردىڭ ايتۋىنشا، كامەرانىڭ ارقاسىندا قىلمىستار ايتارلىقتاي ازايعان. «سەرگەك» كامەراسىن ورناتۋ ورتا ەسەپپەن العاندا قىلمىس سانىن 30 پايىزعا، جول-كولىك وقيعالارىن - 18 پايىزعا تومەندەتكەن.

«كولىك جۇرگىزۋشىلەرىنىڭ ءتارتىبى كۇشەيدى. ودان باسقا، 500-دەن استام قىلمىستىق ءىس اشىلدى، ونىڭ ىشىندە 4 كىسى ءولىمى بار»، - دەدى اسەت يسەكەشەۆ.

 اكىمنىڭ سوزىنە قاراعاندا، قازىرگى تاڭدا قوعامدىق ورىنداردا ادامنىڭ ءتۇر-الپەتىن تاني الاتىن جۇيەنى ەنگىزۋ جۇمىستارى جۇرگىزىلىپ جاتىر. بۇل جاڭاشىلدىق (نوۋ-حاۋ) پوليتسەيلەردىڭ جۇمىسىنا كوپ كومەگىن تيگىزەدى، ياعني ت ج جاعدايى مەن جاپپاي توبەلەستى ءتارتىپ ساقشىلارى گادجەت ارقىلى كورە الادى. بۇل جاعدايدى باعالاۋعا جانە ءتيىمدى ارەكەت جاساۋعا مۇمكىندىك بەرەدى. سونداي-اق، بۇگىندە جۇيە قاساقانا ءتارتىپ بۇزۋشىلار مەن قارىزى بارلاردى دا اۆتوماتتى تۇردە انىقتاپ بەرە الادى.

تيمۋر قۇلىبايەۆ جۇيەنىڭ جۇمىسىنا وڭ باعا بەرىپ، جەكەمەنشىك بيزنەس اۋماعىندا دا كامەرا ورناتۋدا بىرىگىپ ارەكەت جاساۋعا ۋادە بەردى.

بۇگىندە قالادا 6365 كامەرا بىرىكتىرىلىپ، ورناتىلعان. 1 -ماۋسىمعا دەيىن استانادا 13 مىڭ جول كامەراسىن مونتاجداپ، ىسكە قوسۋدى جوسپارلانىپ وتىر.

پئكئر قالدئرؤ


قازاقپارات