عاسىر ورتاسىندا مەگاپوليستەردىڭ ءداۋىرى تۋادى - ق ر پرەزيدەنتى

17.05.2018 13:03

استانا. قازاقپارات - عاسىر ورتاسىندا مەگاپوليستەردىڭ ءداۋىرى تۋادى. بۇل تۋرالى بۇگىن Global Challenges Summit 2018 فورۋمىنىڭ جالپى وتىرىسىندا قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«بىرىككەن ۇلتتار ۇيىمىنىڭ باعالاۋىنشا، عاسىر ورتاسىندا قالالاردا تۇراتىن حالىقتىڭ سانى 7 ميلليارد ادامعا جەتەتىن بولادى. بۇعان قوسا، ءىرى اگلومەراتسيالارعا حالىقتىڭ گيپەرشوعىرلانۋى ورىن الادى. مەگاپوليستەر ءداۋىرى تۋادى جانە ولاردىڭ اراسىندا باسەكەلەستىك بولادى. ينۆەستيتسيا، ۇزدىك اقىل-وي، تەحنولوگيالار ءۇشىن كۇرەس ءجۇرىپ، ولارعا بارلىق جاعداي جاسالادى. ەكونوميكا ءۇشىن يدەيا مەن ءبىلىم ماڭىزدى»، - دەدى قازاقستان پرەزيدەنتى.

ەلباسى وسى رەتتە قازاقستان اگلومەراتسيانى دامىتۋ ستراتەگياسىن جۇزەگە اسىرا باستاعانىن اتاپ ءوتتى.

«ەگەر بىزدە، بۇرىنىراقتا ميلليون تۇرعىنى بار ءبىر عانا قالا - الماتى بولسا، ەندىگى ۋاقىتتا استانا، شىمكەنت قالالارى قوسىلدى. ياعني ءۇش قالا بولدى. بۇل پروتسەسس جالعاسا بەرەتىن بولادى. سوندىقتان دا ەلوردامىزدىڭ 20 جىلدىعىن مەرەكەلەۋ اياسىندا 5- شىلدە كۇنى ۇلى جىبەك جولى بويىندا ورنالاسقان ەلدەردىڭ ءىرى قالالارىنىڭ فورۋمىن وتكىزۋ توسىننان قولعا الىنىپ وتىرعان جوق»، - دەدى نۇرسۇلتان نازاربايەۆ.

اۆتور: مارلان جيەمباي

پئكئر قالدئرؤ


قازاقپارات