قازاقستاندا كەدەيشىلىك 13 ەسەگە تومەندەدى - مەملەكەت باسشىسى

17.05.2018 13:19

استانا. قازاقپارات - قازاقستاندا كەدەيشىلىك 13 ەسەگە تومەندەتىلدى. بۇل تۋرالى Global Challenges Summit 2018 فورۋمىندا قازاقستان پرەزيدەنتى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات ءتىلشىسى.

«قازاقستان بەلسەندى الەۋمەتتىك ساياساتتى جۇزەگە اسىرۋدا. بۇل باعىتتا كەدەيشىلىك 13 ەسەگە تومەندەتىلدى، ياعني 40 پايىزدان 3 پايىزعا دەيىن. جۇمىسسىزدىق دەڭگەيى 5 پايىزدان تومەن»، - دەدى پرەزيدەنت.

سونىمەن قاتار ن. نازاربايەۆ بيىل قازاقستاندا بەس جاڭا الەۋمەتتىك باستامانى جۇزەگە اسىرۋ جۇمىستارى قولعا الىنعانىن ەسكە سالىپ ءوتتى.

«بۇل باستامالار قولجەتىمدى باسپانامەن، ساپالى جوعارى بىلىممەن قامتاماسىز ەتۋگە، شاعىن جانە ورتا بيزنەستى قولداۋعا، سالىق سالۋداعى ادىلدىككە، قورشاعان ورتانى جاقسارتۋعا باعىتتالعان. وسى قادامدار ەل تۇرعىندارىنىڭ ءال-اۋقاتىن تۇراقتى دامىتۋعا ءارى جاقسارتۋعا ىقپال ەتەدى»، - دەدى ەلباسى.

اۆتور: رۋسلان عابباسوۆ

  

پئكئر قالدئرؤ


قازاقپارات