Elorda irgesinde otbasylyq densaýlyq ortalyǵy ashylady

14.06.2018 09:54

KО́KSHETAÝ. QazAqparat - Aqmola oblysynyń Tselınograd aýdanynda «Qosshy» otbasylyq densaýlyq ortalyǵy ashylady, dep habarlaıdy QazAqparat tilshisi aımaq basshysynyń týrızm jónindegi keńesshisi Marat Iǵalıge silteme jasap.

«Astana irgesindegi eldi mekenderdi damytý máselesine oraı kóptegen suraqtar túsip jatyr. Tselınograd aýdanynyń ákimi Malǵajdar Tátkeev bergen málimettermen bóliseıin», - dedi M.Iǵalı.

Onyń aıtýynsha, 18 maýsym kúni Qosshy aýyly Respýblıka kóshesi, 56 mekenjaıy boıynsha 150 oryndyq «Qosshy» otbasylyq densaýlyq ortalyǵy ashylady.

«Birinshi kezeńde ýchaskelik qyzmet, kúndizgi statsıonar, zerthana, bastaýysh kabınet jáne júktilikti baqylaý qyzmetteri atqarylady. Aǵymdaǵy jyldyń tamyz aıynnan bastalatyn ekinshi kezeńde ÝZI, rentgen (jáne flıýorografıa), qan qysymyn táýliktik monıtorıngileý jáne EKG engizilip, balalar men eresekterdiń kardıology, endokrınolog, nevropatolog, LOR, okýlıst, travmatolog-ortoped mamandary qabyldaý ótkizedi», - dep túsindirdi M.Iǵalı.

Sonymen qatar, jedel járdem qyzmeti de jumysyn bastaıdy.

پئكئر قالدئرؤ


قازاقپارات