الەمدە سوڭعى جىلدارى سەلفي جاسايمىن دەپ 300 ادام اجال قۇشقان

11.10.2018 20:41

  استانا. قازاقپارات - لايك جينايمىن دەپ مايىپ بولعان، يا بولماسا سەلفي جاسايمىن دەپ جان تاپسىرعاندار قاتارى ارتىپ كەتكەن. عالامدىق زەرتتەۋ ناتيجەسى بويىنشا سوڭعى جىلدارى ءوزىن- ءوزى فوتوعا ءتۇسىرۋ كەزىندە كوز جۇمعانداردىڭ سانى 300 گە جەتىپتى.

 اتالعان ترەندپەن كۇرەسۋ ءۇشىن ءتىپتى ءبىرقاتار مەملەكەتتەر ارنايى زاڭ قابىلداۋعا بارماقشى.

بۇل تۋرالى ەۋرازيا ءبىرىنشى ارناسى حابارلادى.

حالقىنىڭ سانى 300 ميلليوننان اسقان ا ق ش ەكسترەمالدى سەلفيمەن كۇرەستى باستاپ كەتتى. اتاپ ايتساق، ءزاۋلىم عيماراتتار، تاۋ مەن تاس، وزەن مەن كول جاعاسىندا ادەمى كادر ءۇشىن باسىن بايگەگە تىگەتىندەرگە توسقاۋىل قويماق.

فوتوعا تۇسەمىن دەپ كوز جۇماتىنداردىڭ سانى ءبىزدىڭ ەلدە دە ءوسىپ كەلەدى. بىرەر جىل بۇرىن وسكەمەندە ءجاسوسپىرىم سەلفي جاسايمىن دەپ ەرتىس وزەنىنە سەكىرىپ كەتىپ، كوز جۇمدى. اعىستىڭ قاتتى بولعانى سونشالىق، ونىڭ دەنەسى ءبىر ايدان سوڭ، 18 شاقىرىم جەردەن ءبىر- اق تابىلعان ەدى. ماماندار جالپى سەلفيدى كىمدەردىڭ كوپ جاسايتىنىن ايتتى.

«ءوزىن- ءوزى كورسەتۋ جۇرتقا. ياعني مىنە مەن قانداي كەرەمەتپىن. سەلفيمەن كوبىنەسە كىم اينالىسادى؟ ءوزىن- ءوزى ەشقانداي ءبىر، ىستە ءوزىن- ءوزى كورسەتە الماعان كىسىلەر سەلفيعا باعىنىشتى بولىپ كەتەدى. ەگەر، ءسىز كەرەمەت مامان بولساڭىز. ەگەر، ءسىز كەرەمەت مامان بولىپ، ءوز ىسىڭىزدە ءبىر جەتىستىكتەرگە جەتىپ جاتساڭىز، ءسىزدىڭ ۋاقىتىڭىز بولمايدى، سەلفي جاساپ جۇرتقا تاراتىپ جۇرۋگە» - دەيدى پسيحولوگ ايمان نۇرماعانبەتوۆا.

عالىمداردىڭ زەرتتەۋىنشە، كۇنىنە ءۇش رەت سۋرەتكە تۇسكەن ادامعا «سەلفيتيس» دياگنوزىن قويۋعا بولادى. ال ونىڭ اسقىنعان تۇرىنە فوتوسىن الەۋمەتتىك جەلىگە سالعىسى كەلىپ تۇراتىندار جاتادى. سوڭعىسى سوزىلمالى. بۇعان تاۋلىگىنە 6 سۋرەتتەن ارتىق فوتو سالاتىندار كىرەدى.

« ءبىر جاعىنان ول جاستاردىڭ ءومىرى عوي. ءبىزدىڭ كەزىمىزدە ونداي بولعان جوق. بولعاندا بىزدە ءتۇسۋشى ەدىك» .

«سەلفي جاسايدى دا. سوسىن وسىنداي اپاتتارعا ۇشىرايدى. مەنىڭشە ول وتە قاۋىپتى. ولاي ىستەپ كەرەك ەمەس. ونى نە سەبەپتى ىستەيدى؟ ءجاي حايپ ءۇشىن، تانىمال بولۋ ءۇشىن ىستەيدى» .

تىلدىك قولدانىسىمىزعا بۇدان 4 جىل بۇرىن عانا ەنگەن «سەلفيدى» قازىر ءبارى بىلەدى. ءاۋ باستا قىزىعۋشىلىقپەن باستالعان بۇل ادەت، از ۋاقىتتىڭ ىشىندە تالاي ادامعا دەرت بولىپ جابىستى.

«ونىڭ جەتەگىنە ەرگەندەر، بۇگىندە ءوز ساناسىن ءوزى بيلەي المايتىن كۇيگە جەتكەن»دەيدى ماماندار.

 «لايك جيناعان سايىن، ونىڭ بويىنداعى باقىت گارمونى، قۋانىش گارمونى وينايدى. ودان كەيىن سوعان تاۋەلدى بولىپ قالادى. كەز كەلگەن نارسەگە تاۋەلدىلىك بۇل اۋرۋ! پسيحيكاسى بۇزىلا باستايدى» - دەيدى پسيحولوگ عالياش ماحاشيەۆا.

لايك جينايمىن دەپ جان تاپسىرعانداردىڭ ءبىرى تالدىقورعان قالاسىنىڭ تۇرعىنى. 15 جاستاعى قىز 8 - قاباتتان قۇلاپ كەتكەن بولاتىن. بويجەتكەن قۇرىلىسى اياقتالماعان قوناق ءۇيدىڭ ۇستىنە شىعىپ، ينستاگرام جەلىسىندە تىكەلەي ەفيرگە شىققان ەكەن. كورەرمەندەرىمەن سويلەسىپ جاتقاندا اياعى تايىپ، تومەن قۇلاعان. جەرگىلىكتى جۇرتتىڭ ايتۋىنشا، اتالعان جەردە وسىعان دەيىن دە قايعىلى جاعدايلار تىركەلگەن ەكەن.

«نە بۇل بىتپەدى، نە سالمادى بۇنى بالالار مىنە، قازىر جاسوسپىرىمدەر نەشە ءتۇرلى سۋيتسيدتەرگە ءتۇسىپ جاتىر. مىنە كەشە عانا ءبىر قىز سەلفي جاسايمىن دەپ قۇلاپ كەتتى» - دەيدى قالا تۇرعىنى حايىرگۇل قايىموۆا.

لايك ءۇشىن جان پيدا دەگەن ارينە ساناعا سىيىمسىز دۇنيە. قاۋىپسىز جەردە تۇرىپ- اق، ءساتتى كادر جاساۋعا بولادى. ەگەر ەلىمىزدە فوتوعا ءتۇسۋدىڭ سوڭى ولىممەن اياقتالاتىن جايتتار كوبەيسە، بالكىم ەكسترەمالدى سەلفيگە شەتەلدەگىدەي زاڭ جۇزىندە تىيىم سالۋ جايىندا ويلانۋ كەرەك شىعار».

Stan.kz

پئكئر قالدئرؤ


قازاقپارات