ەلىمىزدە «پەداگوگ مارتەبەسى» تۋرالى زاڭ جوباسىن دايىنداۋ باستالدى

09.11.2018 12:11

استانا. قازاقپارات - «پەداگوگ مارتەبەسى» تۋرالى زاڭ جوباسىن دايىنداۋ باستالدى. بۇل تۋرالى بۇگىن ق ر پارلامەنتى سەناتىنداعى ۇكىمەت ساعاتىندا ءبىلىم جانە عىلىم ۆيتسە- ءمينيسترى ەلميرا سۋحانبەرديەۆا ايتتى، دەپ حابارلايدى قازاقپارات.

«ەلباسى تاپسىرماسىنا سايكەس «پەداگوگ مارتەبەسى» تۋرالى زاڭ جوباسىن دايىنداۋ باستالدى. جۇمىس توبى قۇرىلدى. بۇگىنگى كۇنى زاڭنىڭ تۇجىرىمداما جوباسى ازىرلەندى. زاڭ جوباسى ازىرلەگەننەن كەيىن مينيسترلىك ونى بارلىق وڭىردەگى پەداگوگتار جانە اتا- انالار قاۋىمداستىعىمەن تالقىلايدى. مىندەتتى تۇردە دەپۋتاتتاردىڭ الدىندا ونى ايتامىز»، - دەدى ۆيتسە- مينيستر.

ونىڭ سوزىنە قاراعاندا، ەلىمىزدە جان باسىنا قارجىلاندىرۋ تەتىكتەرىن ەنگىزۋ جالعاسۋدا. ءتيىستى نورماتيۆ بەكىتىلدى. استانا قالاسىندا تولىعىمەن 74 مەكتەپ جانە 11 جەكە مەنشىك مەكتەپتە ەنگىزىلىپ جاتىر. بۇل جۇيە ادىستەمەسىندە ءبىلىم بەرۋ قاجەتتىلىكتەرى بار بالالارعا 2 ەسە جوعارى قارجىلاندىرۋ كوەفيتسەنتى قاراستىرىلىپ وتىر.

«مەكتەپتەردىڭ 58 پايىزىندا ينكليۋزيۆتى ءبىلىم بەرۋگە جاعداي جاسالعان. ءبىلىم جانە عىلىمدى دامىتۋدىڭ مەملەكەتتىك باعدارلاماسىنا سايكەس 2020 -جىلى ينكليۋزيۆتى ءبىلىم بەرۋ 70 پايىزعا وسەدى. پەداگوگيكالىق ماماندىقتار بويىنشا كادرلاردى دايارلاۋ اياسىندا ينكليۋزيۆتى ءبىلىم بەرۋ ءپانى مىندەتتى بولىپ سانالادى»، - دەدى ول.

سونىمەن قاتار، ەلميرا سۋحانبەرديەۆا اپاتتى مەكتەپتەر مەن ءۇش اۋىسىممەن وقىتۋ پروبلەماسىنا دا توقتالدى.

 «بۇل پروبلەمانى شەشۋ ءۇشىن ءبىز جىل سايىن 100-دەن استام مەكتەپتى سالىپ جاتىرمىز. بيىل 53 ميلليارد تەڭگەگە 108 مەكتەپ سالىنۋدا. 3 جىلدىق بيۋدجەتتە 97 ميلليارد تەڭگەگە 73 جاڭا مەكتەپتىڭ قۇرىلىسى قولداۋ تاپتى. ونىڭ ىشىندە 50 ميلليارد تەڭگەگە 34 مەكتەپ بار. ءۇش اۋىسىمدى مەكتەپ ماسەلەسىن شەشۋ ءۇشىن 33 مەكتەپ تۇرعىزىلۋدا. تاعى 30 مەكتەپ الداعى 3 جىلدا سالىنادى. ونىڭ 19-ى بولىنگەن 50 ميلليارد تەڭگە اياسىندا قاراستىرىلادى. ولاردى سالۋ رەسپۋبليكالىق بيۋدجەت ەسەبىندە قولداۋ تاپتى. 41 مەكتەپتى جەرگىلىكتى ورگاندار وزدەرى سالادى. ال 9 مەكتەپتى جەكەمەنشىك ينۆەستورلاردىڭ كومەگىمەن تۇرعىزامىز»، - دەدى ول.

اۆتور: مارلان جيەمباي

پئكئر قالدئرؤ


قازاقپارات