قازاقستانداعى ەڭ تانىمال بويداق سپورتشىلار كىمدەر؟

09.11.2018 13:29

 استانا. قازاقپارات - ەل نامىسىن قورعاپ جۇرگەن وتاندىق سپورتشىلار اراسىنداعى بويداقتار سانى جىل سايىن كەمىپ جاتىر.

الايدا، ءالى دە قالاۋىنداعى ارۋدى كەزىكتىرمەگەن قايسار باتىرلارىمىز دا بارشىلىق. ولاي بولسا، سىمباتى تالاي ارۋدىڭ جۇرەگىن جاۋلاعان بويداقتاردىڭ ءتىزىمىن نازارلارىڭىزعا prosports.kz سايتى ۇسىنادى.

ادىلبەك نيازىمبەتوۆ
null

بوكستان وليمپيادا ويىندارىنىڭ ەكى دۇركىن كۇمىس جۇلدەگەرى ءالى بويداقتار قاتارىندا. 2013-جىلى ريو-دە-جانەيرودا وتكەن الەم چەمپيوناتىنان كەيىن ول وتباسىن قۇرۋعا نيەتتى بولعان. الايدا، بوكسشىنىڭ جۇرەگى ءالى بوس سەكىلدى.

 ۆاسيلي لەۆيت

null2016-جىلعى وليمپيادانىڭ كۇمىس جۇلدەگەرى ۆاسيلي لەۆيت تە ءوز ومىرلىك ماحابباتىن ءالى كەزىكتىرمەگەن. جاسى 30 عا كەلگەن سپورتشىنىڭ قاسىندا ءاربىر ارۋ ءوزىن قاۋىپسىز سەزىنەتىنى ءسوزسىز.

null قۋات نايمان

وتاندىق ەرەجەسىز جەكپە-جەكتىڭ جۇلدىزى قۋات نايمان دا 31 جاسىندا ءالى وتباسىن قۇرماعان. باسى بوس سپورتشى جەكە ءومىرى تۋرالى جەلىدە جاق اشپايدى.

null جامبىل كوكەيەۆ پەن ۇلان قونىسبايەۆ

بۇل ەكى فۋتبولشى بىرنەشە جىل بويى ۇلتتىق قۇرامانىڭ ەڭ سىمباتتى بويداقتارى اتاعىن ەشكىمگە بەرمەي كەلە جاتىر. ءالى ۇيلەنبەگەن كوكەيەۆ پەن قونىسبايەۆ وسى جىلعى ماۋىسىمدا «اقتوبە» فۋتبول كلۋبىنىڭ ساپىندا ونەر كورسەتۋدە.

null ەركەبۇلان سەيداحمەت

قازاقستان قۇراماسى مەن رەسەيلىك «ۋفانىڭ» جاس شابۋىلشىسى ەركەبۇلان سەيداحمەت تە تانىمال بويداقتار تىزىمىنە ەندى. بولاشاعىنان زور ءۇمىت كۇتتىرەر جاس تالانتتىڭ الەۋمەتتىك جەلىدەگى پاراقشاسىنا تىركەلگەن قىزداردىڭ سانى كۇن سايىن كوبەيۋدە.

null ناريمان قۇربانوۆ

2018-جىل ناريمان قۇربانوۆ ءۇشىن اسا ءساتتى وتكەنى انىق. الەم كۋبوگىندەگى جەڭىسىنەن بولەك، سپورتشى الەم چەمپيوناتىنىڭ فينالىنا شىعىپ، بەسىنشى ورىندى يلەنەدى. ناريماننىڭ جۇرەگى ءالى بوس.

null سادريددين احمەدوۆ

جاستار اراسىنداعى بوكستان الەم چەمپيونى بۇگىندە كاسىپقوي رينگتە ءوز مىقتىلىعىن دالەلدەپ ءجۇر. الەمدىك ارەنادا مىقتىلىعىن دالەلدەپ جۇرگەن سادريدديننىڭ سۇيىكتىسى جوق. ول قالاۋىنداعى ارۋىن كەزىكتىرمەگەن.

null ديدار حامزا

2018-جىلعى ازيا ويىندارىنىڭ چەمپيونى ديدار حامزا دا ءالى وتباسىن قۇرماعان سپورتشىلار قاتارىندا. الايدا، دزيۋدوشىنىڭ سۇيىكتىسى بار بولىپ شىقتى.

null ابزال اجعاليەۆ

شورت-ترەكتەن الەم كۋبوكتارىنىڭ جۇلدەگەرى مەن جەڭىمپازى ابزال اجعاليەۆتىڭ دە جۇرەگى بوس. 2018-جىلعى وليمپيادادا قازاقستان تۋىن ۇستاپ شىققان سپورتشى ءالى ماحابباتىن جولىقتىرماعان.

پئكئر قالدئرؤ


قازاقپارات