شىمكەنتتە جۇكتى ايەلدىڭ وتىنەن 50 تاس الىندى

12.01.2019 13:22

شىمكەنت. قازاقپارات - شىمكەنتتىك دارىگەر تالعات شاۋەنوۆ وتە كۇردەلى وپەراتسيانى ءساتتى وتكىزىپ، جۇكتى ايەلدىڭ وتىنەن 50 تاس الدى، دەپ حابارلايدى قازاقپارات.

ءوز ءىسىنىڭ بىلگىر مامانى جۇكتى ايەلدىڭ دەنساۋلىعىنا تونگەن قاتەردىڭ الدىن الىپ، ونىڭ امان-ەسەن بوسانۋىنا دەمەۋ بولدى.

«ءسابي الدىمەن كەسار تىلىگىمەن الىندى، ءبىز ءوتىنىڭ ءجۇرۋ كەزەڭىن قامتاماسىز ەتتىك. ەكىنشى ساتىدا پاتسيەنت پەن ونىڭ تۋىستارىنىڭ كەلىسىمى نەگىزىندە بىرلەسكەن وپەراتسيا جاسادىق»، - دەدى تالعان شاۋەنوۆ.

ايتا كەتەتىن ماسەلە اعزاسىندا 50 تاسىمەن جۇرگەن ايەل 12 جىلدان بەرى دۇنيەگە نارەستە اكەلۋدى ارمان ەتكەن. اقىرىندا جۇكتىلىگىنىڭ ءساتتى وتەتىندىگىنە دەگەن سەنىمى اقتالىپ، شىمكەنت تۇرعىنى ءوزىنىڭ تۇڭعىشىن دۇنيەگە اكەلدى.

تالعات شاۋەنوۆ 1№  قالالىق كلينيكالىق اۋرۋحانانىڭ باس دارىگەرى. جالپى مەديتسينا باعىتى بويىنشا ءوزىنىڭ 28 جىلدىق قىزمەتىندە ول 5 مىڭنان استام وپەراتسيا جاساعان.

پئكئر قالدئرؤ


قازاقپارات