Кері

Астанада абонементсіз спортпен қайда айналысуға болады

10.08.2018 23:41

АСТАНА. ҚазАқпарат - Астана қаласы әкімдігінің сайты елордада қай жерлерде абонементсіз спортпен шұғылдануға болатынын жария етті, деп хабарлайды ҚазАқпарат.

«Саламатты өмір салтын ұстану - заманауи қоғамның тренді. Алайда, тәніңді өз тонусында ұстап тұру арзанға түспейді. Табиғи өнім, дәрумен, спорттық жабдықтар мен спортзалға абонемент - мұның бәрімен ай сайын тұрақты түрде айналыссаң қаншама шығын болмақ», - делінген хабарламада.

Онда қалада тегін жаттығулардың қайда өтетінін, оның үстіне нұсқаушыға және спортзалға кететін абонементті қалай үнемдеуге болатыны жөнінде кеңес берілген.

Астанада осымен үшінші жыл қатарынан мәдениет және спорт басқармасы ұйымдастыратын барлық үміткерлерге арналған тегін спортпен айналысу өтіп келеді.

Жүгіру

Кім таңертеңнен жүгіргенді ұнатады, өте дұрыс істейді. Қысқасы, денсаулық үшін өте пайдалы. Жүгіру ерік-жігерді дамытады, денсаулықты күшейтеді, мінезді шыңдап, өзіңді формаға келуге көмектеседі. Астанада жыл сайын әуесқой жүгірушілер көбейіп келеді. Қала әкімдігі осыған орай шара қолданды: саябақтарда жолдарға арнайы резина жамылғысы төселді. 

Астанада қазіргі таңда сертификаты бар инструкторлар топтық жүгіруден тегін дәріс өткізеді. 

Қайда? Астаналық саябақ пен Триатлон саябағында аптасына 3 рет - дүйсенбі, сәрсенбі, жұма - сағат 19:30-дан 20:30 дейін сертификаты бар инструкторлар топтық жүгіруден дәріс өткізеді.

Сонымен қатар жексенбі күнгі дәрістер бар, ол таңертең және кешкісін - сағат 10-нан 12 сағатқа дейін және де сағат 17:00-ден 19:00-ге дейін.

Кроссфит

Кроссфит - бұл өзінің шыдамдылығын қайрап, күші мен жылдамдығын шыңдап, қиындықты еңсере алатын және өзінің қолынан не келетінін дәлелдегісі келетін жандарға арналған спорт. 

Кроссфит Астана саябағындағы жексенбілік жаттығу бағдарламасына қосылған және таңертең сағат 10-нан 12-ге дейін. Студент және Жерұйық саябақтарында сағат 10-нан 12-ге дейін жексенбі күндері барлық қатысқысы келетіндер кроссфиттен жаттығуға келе алады. 

Ушу

Ушу - бірегей жауынгерлік өнер, ол адамның шығыс жекпе-жегі философиясын тереңінен түсінуге, өзін өзі қорғаудың жаңа машығын, тәні мен денсаулығын қатайтып, санасын тазартуға әрі ішкі қуатын дамытуға көмектеседі. 

Ушумен Астаналық саябақта жексенбі күндері таңертең айналысуға болады. 

Джиу-джитсу

Джиу-джитсу техникасы қозғалысты көп пайдалануға және қарсыластың өзіне күш салуға бағытталған және де арнайы «қулығы» бар тәсілдер қолданылады, яғни ауыратын нүктелерге соққы жасау, арнайы көңілді басқаға аударатын қимылдар, шабуыл сызығынан ауытқу және т.б.

Джиу-джитсу дәстүрі әлі күнге дейін сақталып келеді. Әлемнің көптеген елдерінде жауынгерлік өнердің осы түрін дамытып, культке айналдырып отырған одақ, федерация, қауымдастық, оқу орталықтары мен клубтар бар. 

Астанада джиу-джитсудан тегін жаттығулар демалыс күндері таңертең Астаналық саябақ пен Жерұйық саябақтарында 19:00-ден 20:00-ге дейін өтеді. 

Йога

Йога - бұл практикалық философия, жан мен тәннің бірігуіне арналған. Оның бастауы сонау ежелгі үнді дәстүрінен алынған. Бүгінде йога үлкен танымалдылыққа ие. Онымен бала да, кәрі де айналыса алады. 

Йоганың техникасымен танысқысы келетіндер таңертең демалыс күндері Студенттік және Жерұйық саябағына келе алады.

Шахмат

Шахмат ойнаудың пайдасы шаш-етектен. Ойын барысында мидың оң жақ және сол жақ бөлігі де бір мезгілде жұмыс істейді де, мидың  дамуына үйлесім туғызады  - бұл шахматтың негізгі пайдасы. 

Астаналық, Студент және Жерұйық саябақтарында таңертең ойнағысы келгендер шахмат пен дойбыдан шеберлік сынаса алады. 

Велоспорт

Велосипед спорты -бұл аэробты жаттығу болып есептеледі, ол жүрек пен өкпені, бұлшық ет пен аяқты күшейтеді. Қысқасы, велоспорт жылдамдық жағынан коньки мен тау шаңғысы сияқты жүк түсіреді. Демек бұл да аяқтың бұлшық етін шынықтырады. 

Осы жылы әуесқойлар үшін велосипед жүретін жолдарға жағдай жасалды. Астананың мерейтой құрметіне 56 км веложол салынды.

Бөлісу

Пікір қалдыру


ҚазАқпарат