Keri

Oralda motocïkl jürgіzwşіlerі arasında tärtіp buzw jïіlep otır

20.06.2017 00:24

ORAL. QazAqparat - Oral qalasında motocïkl jürgіzwşіler arasında tärtіp buzw jïіlep otır, dep xabarlaydı «QazAqparat» tіlşіsі.

BQO ІІD jergіlіktі polïcïya qızmetіnіñ basşısı, polïcïya polkovnïgі Manarbek Ğabdwllïnnіñ aytwınşa, bïılğı bes ayda oblıs awmağında motocïkl jürgіzwşіlerіnіñ qatıswımen 10 jol-kölіk oqïğası boldı. Sonıñ saldarınan bіr adam qaza tawıp, törtewі türlі jaraqat aldı.

Jaz şığısımen qala köşelerіnde motocïklder de köbeyedі. Tïіstі qujatsız jäne qawіpsіzdіk quraldarınsız jürgen motocïkl jürgіzwşіlerіne azamattardan şağım tüsіp jatadı. Osınday quqıqbuzwşılıqtıñ aldın alw maqsatında 17 mawsım künі jergіlіktі polïcïya qızmetkerlerі arnayı reyd ötkіzdі. Şara kezіnde motocïkl men skwterdіñ 20 jürgіzwşіsі tekserіlіp, barlığı 7 äkіmşіlіk xattama toltırıldı. Sonıñ іşіnde üşewі tïіstі qujatız jürgenі, bіrewі mіndettі saqtandırw kelіsіmşartın jasawdan jaltarğanı, ekewі memlekettіk tіrkew nömіrіnsіz kölіk quralın basqarğanı, tağı bіrewі motodwlığa kïmegenі üşіn jawapqa tartıldı. Arnayı turaqqa 3 motokölіk qoyıldı.

«Jeñіl avtokölіk jürgіzwşіlerіne qarağanda, jol-kölіk oqïğası kezіnde motocïklşіlerge köbіrek qawіp tönedі. Sondıqtan olar dwlığasın kïіp, qawіpsіzdіk talaptarın qatañ saqtawı tïіs», dedі M.Ğabdwllïn.

 

 

Ostavït kommentarïy


QazAqparat