Keri

Astana äkіmі balmuzdaq satwşısına şara qoldanatın boldı

19.06.2017 23:56

ASTANA. QazAqparat - Astana qalasınıñ äkіmі Äset Ïsekeşev ruqsat etіlmegen jerde sawda jasağanı üşіn balmuzdaq satwşısına qatıstı şara qoldanbaq, dep xabarlaydı QazAqparat.

«Qabıldadım. Tïіstі şara qoldanıladı. Bul zañsız, basqaşa aytqanda ruqsat etіlmegen jerde jasalap jatqan sawda. Polïcïya men sanïtarlıq-epïdemïologïyalıq qızmet ökіlderі onımen aynalıswda»,-dep jazdı ol feysbwktegі toptağı Tïmwra Wrazakov attı azamattıñ paraqşasınıñ astına.

Tïmwr Wrazakov satıp alwşılarğa balmuzdaq salıp beretіn qasığın swburqaqtıñ swına jwğandığın jazğan bolatın.

«Men qazіr ğana balmuzdaq satıp turğan äyel adamnıñ swburqaqtan şınımen sw alıp kelіp, özіnіñ janına qoyıp qoyğandığın bayqadım. Men satwşınıñ ol swdı nelіkten alıp kelgendіgіn bіlmek bolıp baqılap turdım. Alayda men satwşınıñ ol swmen balmuzdaq salatın qasığın jwadı dep oylamadım. Öytkenі onıñ janında kіşkentay balası turğan bolatın. Ökіnіşke oray men qatelesіppіn. Sosın satwşınıñ äreketіn tüsіrіp aldım. Quzırlı organdar körgen bolsa şara qoldansın»,-dep jazdı.

 

 

 

Ostavït kommentarïy


QazAqparat