Keri

Seysenbіde elіmіzdіñ basım bölіgіnde kün qattı ısïdı

20.06.2017 02:20

ASTANA. QazAqparat - Seysenbі künі Qazaqstannıñ basım bölіgіnde awa rayı turaqsız boladı. Key jerlerde nayzağay jarqırap, jañbır jawıp, jel küşeyedі. Kündіz oñtüstіkte şañ köterіlіp, soltüstіk batısta tünde jäne kündіz tuman tüswі ıqtïmal. Oñtüstіk şığısta, şığıs aymaqtardıñ basım bölіgіnde jäne respwblïkanıñ ortalığında kün qattı ısïdı. Respwblïkanıñ oñtüstіgі men oñtüstіk batısında jawın jawmaydı, dep xabarlaydı «Qazgïdromet» RMK.

Soltüstіk Qazaqstan oblısında jeldіñ küşі sekwndına 15-20 metrge jetedі, kündіz burşaq jawwı da mümkіn. Qostanay oblısında tünde key jerlerde sekwndına 15-20 metr jıldamdıqpen jel turadı, tünde jäne kündіz key jerlerge tuman tüsedі.

Aqmola, Qarağandı, Jambıl, Almatı oblıstarınıñ bіrqatar aymaqtarında 15-20 metr/sekwnd jıldamdıqpen jel soğadı. Aqtöbe, Pavlodar oblıstarınıñ key jerlerіnde de jel turadı. Kündіz Qızılorda, Şığıs Qazaqstan oblıstarında jeldіñ ekpіnі sekwndına 15-20 metrge jetedі.

Kündіz Aqtöbe, Qızılorda, Oñtüstіk Qazaqstan, Jambıl, Qarağandı, Şığıs Qazaqstan oblıstarınıñ bіrqatar aymaqtarında ört qawіpі saqtaladı.

Kündіz Almatı, Jambıl oblıstarında jäne Qarağandı men Şığıs Qazaqstan oblıstarınıñ key jerlerіnde kün qattı ısïdı dep kütіlwde.

 

Ostavït kommentarïy


QazAqparat