Keri

Qazaqstandıq bïotexnologtar üzdіk texnologïyaların tanıstırdı

13.10.2017 17:31

ASTANA. QazAqparat - Astanadağı Ulttıq bïotexnologïyalıq ortalığınıñ mamandarı sändіk jäne densawlıq salasında aşqan jañalıqtarı men jasağan kommercïyalıq önіmderіn tanıstırdı, dep xabarlaydı «QazAqparat» XAA tіlşіsі.

Atap aytqanda, ortalıqtıñ mamandarı fïbroblasttardıñ qoldanılwına negіzdelgen SPRS-terapïya, trombocïttіk plazmalar arqılı adam terіsіnіñ jazılwına arnalğan PRP-terapïya, ïnnovacïyalıq turğıda jaswşalıq jasartw ädіsі, densawlıqtıñ genetïkalıq qujatı sekіldі zamannıñ ozıq texnologïyaların paş ettі. Mamandardıñ aytwınşa, jaswşalıq texnologïyalardı jasawdıñ estetïkalıq medïcïnada suranısı zor. Ol qazіrgі medïcïnada ota jasawdıñ aldın aladı.

Medïcïnadağı tağı bіr jetіstіktіñ bіrі - densawlıqtıñ medïcïnalıq qujatı bolıp otır. Jeke genetïkalıq qujatta klïenttіñ saraptamalarğa negіzdelgen densawlıq jağdayı twralı aqparat saqtaladı. Munday qujattıñ bolwı adamdardıñ salawattı ömіr saltın ustanıp, türlі awrwlardı alğaşqı satısında emdewge mümkіndіk bermek.

«Eger öz elіmіzde mümkіndіk bolsa, nelіkten basqa memleketke barıp ol qızmettі nemese önіmdі aqılı türde alwımız kerek. Bügіngі künі bіz bul stereotïptі buzıp, Qazaqstanda da üzdіk texnologïyalar bar ekenіn däleldegіmіz keledі. Mäselen, bіr ğana kosmetologïya salasında bіz şeteldіk preparattardı qoldanwdı dästürge aynaldırğanımız da şındıq. Al bügіngі tañda bіzdіñ ğılım bul salada bіrqatar jetіstіkterge jetkenіn atap ötw kerek. Bіzdіñ kosmetologtar otandıq ğalımdardıñ qolınan şıqqan eñ üzdіk texnologïyalar arqılı kosmetologïya önіmderіn şığarıp jatır», - deydі Ulttıq bïotexnologïya ortalığınıñ dïrektorı Erlan Ramanqulov.

Ostavït kommentarïy


QazAqparat