Keri

General-mayor Erkіn Botaqanov «Altın Adam» sıylığınıñ lawreatı atandı

15.11.2017 01:31

ASTANA. QazAqparat - «Ortalıq» aymaqtıq qolbasşılığınıñ qolbasşısı general-mayor Erkіn Botaqanov «Altın Adam» sıylığınıñ lawreatı atandı. Bul twralı Qarağandı oblıstıq äkіmdіgіnіñ baspasöz qızmetі xabarladı.

Oblıs äkіmdіgіnіñ baspasöz qızmetі taratqan aqparattarğa qarağanda, Almatı qalasında, Abay atındağı Memlekettіk Akademïyalıq Opera jäne balet teatrında «Altın Adam» ulttıq sıylığınıñ lawreattarına Altın sarbazdıñ müsіnşesі tabıs etіldі. Elіmіzdіñ qurmettі jäne tanımal azamattarınan qurılğan qazılar alqası 2017-şі jılğı mädenïet, bïznes, medïcïna, öner, mass-medïa jäne sport salasındağı üzdіkterdі atadı.

«Ortalıq» aymaqtıq qolbasşılığınıñ qolbasşısı general-mayor Erkіn Botaqanov «Otan aldındağı qızmet» nomïnacïyasında «Jıl tulğası» atandı.

Erkіn Botaqanov - Qazaqstan Respwblïkasınıñ ІІM eñbek sіñіrgen qızmetkerі. Osığan deyіn QR ІІM іşkі äsker Qolbasşısınıñ orınbasarı, Bas ştabtıñ basşısı bolğan. 2014-şі jıldan bastap Qarağandı oblısında ornalasqan «Ortalıq» aymaqtıq qolbasşılığına Qolbasşı lawazımına tağayındalğan bolatın.

«Jıl tulğası - Jıl tañdawı» festïvalі xalıqaralıq därejege ïe jäne Qazaqstan Qırğızstan, Özbekstan, Wkraïna jäne Belarws sïyaqtı TMD-nıñ bes elіnde ötedі. Jıl sayın jobanıñ qorıtındısı resmï awdïtten ötedі.
«Jıl tulğası» - «Jıl tañdawı» ulttıq jobası sayasattan alşaq jäne kommercïyalıq şar bolıp tabıladı.

 

Ostavït kommentarïy


QazAqparat