Keri

May awdanında oñtüstіkten qonıs awdarwşılarğa 16 turğın üy salınadı

15.11.2017 02:30

ASTANA.QazAqparat - Pavlodar oblısınıñ May awdanında Oñtüstіk Qazaqstan oblısınan köşіp keletіnderge respwblïkalıq transfert esebіnen 16 turğın üy salınadı. Bul twralı bügіn öñіrlіk komwnïkacïyalar qızmetіnde ötken baspasöz konferencïyasında awdan äkіmі Ardaq Qañtarbaev ayttı, dep xabarlaydı ravlodarnews.kz.

«Pavlodar oblısınıñ eldі mekenderіnde turğın üy qurılısı uzaq waqıt toqırap turğanı belgіlі», - dedі awdan äkіmі.

Onıñ aytwınşa, bïıl 12 päterlіk turğın üydіñ qurılısı ayaqtalwğa tayaw. Kelesі jılı ekі päterlіk tört turğın üy salınadı. Bіr jıldıñ іşіnde 36 baspana qoldanısqa berіldі.

«Kelesі jılı 24 päterlіk üy salamız. Kolledj jataqxanasın turğın üyge negіzdep, kürdelі jöndew jürgіzіledі. Jas mamandar awılda qalw üşіn barlıq jağday jasalwda»,-dedі A.Qañtarbaev.

Onıñ aytwınşa, 2017 jılı oñtüstіk öñіrden ekі otbası qonıs awdarğan. Otağası bіrden veterïnarlıq stancïyanıñ basşısı bolıp jumısqa ornalasqan. Qonıs awdarğan bіr şañıraqqa bіr rettіk tölem men baspana jaldap turwğa arendalıq tölem qunı berіledі.

«Awdanda baspana qunı arzan ekenіn eskeretіn bolsaq, bіr rettіk jäne 12 ayğa tölenetіn jalğa alw qarajatın jïnap, bіr üy satıp alwğa boladı. Bul üydі kepіldіkke qoyıp, nesïe alwğa bolatın edі. Kelesі jılı 40 otbasın köşіrw josparlanıp otır. Bіz olardı qabıldawğa dayınbız. Byudjetke aqşa salınadı», - deydі awdan äkіmі.

 

 

Ostavït kommentarïy


QazAqparat