Keri

2017 jıldıñ «Üzdіk fwtbolşısı» anıqtaldı

08.12.2017 01:33

ASTANA. QazAqparat - Ïspanïyanıñ «Real Madrïd» fwtbol klwbınıñ portwgalïyalıq şabwılşısı Krïştïanw Ronaldw «Altın doptıñ» bes dürkіn ïegerі atandı, dep xabarlaydı «QazAqparat» XAA tіlşіsі eurosport.com-ğa sіlteme jasap.

Marapattaw räsіmі Francïya astanası Parïj qalasınıñ äygіlі Eyfel munarasında saltanattı türde ötkіzіldі.

Talanttı fwtbolşı 2017 jılı komanda sapında da, jeke körsetkіşter boyınşa da köptegen іrі jeñіsterge jettі. Atap aytsaq, Portwgalïya ulttıq quramasınıñ 2018 jılğı Älem çempïonatına joldama alwına, «Realdıñ» bes jıldıq üzіlіsten soñ Ïspanïya çempïonatın, WEFA Çempïondar lïgasınıñ bas jüldesіn tarïxta alğaş ret qatarınan ekі ret, jalpı 12-şі ret jeñіp alwına kömektestі. Budan tıs, 2017 jılı Çempïondar lïgasında eñ köp gol soqqan fwtbolşı, twrnïr tarïxında toptıq kezeñnіñ barlıq matçında gol soqqan alğaşqı oyınşı atandı.

Ayta ketelіk, «Altın doptı» France Football jwrnalı jıldıñ üzdіk fwtbolşısı dep tanılğan oyınşığa beredі. Portwgalïyalıq forvard erekşe sıylıq ïegerlerіnіñ arasında osı kezge deyіn üzdіk bolıp kelgen Argentïna şabwılşısı Lïonel Messïmen teñestі.

Ostavït kommentarïy


QazAqparat