Keri

Mañğıstawda teñіz swın tuşılandıratın zawıt salınadı

14.02.2018 07:25

ASTANA. QazAqparat - Qaraqïya awdanında memlekettіk-jekeşelіk ärіptestіk bağdarlaması boyınşa Qurıq awılı tusında teñіz jağalawınan täwlіgіne 50 mıñ tekşe metrge deyіn sw tuşılandıratın zawıt qurılısın salw josparlanıp otır. Bul twralı Mañğıstaw oblısınıñ äkіmі Eralı Toğjanov mälіm ettі, dep xabarlaydı QazAqparat.

Oblıs äkіmі baspasöz qızmetіnіñ mälіmetіnşe, Eralı Toğjanov osı awdanğa jumıs saparı barısında «GFM Qazaqstan» JŞS bazasındağı trenïng ortalığınıñ jäne awdandıq jumıspen qamtw ortalığınıñ «Open Space» jaña formattağı jumısımen tanısqan. Sonday-aq awdan äkіmіnіñ m.a. Qıdırberdі Bekovtıñ 2017 jılı atqarğan jumıstarı jäne alğa qoyğan mіndetterі twralı xalıq aldında bergen esebіn tıñdadı.

«Bïıl awdanda 27 qudıq qazw josparlanıp otır. Aqqudıq awılında jañbır swın jïnawğa arnalğa 5 mıñ tekşe metrlіk toğan qurılısın salwğa jobalıq-smetalıq qujattaması jasalwda», - dedі Qaraqïya awdanı äkіmіnіñ m.a. Qıdırberdі Bekov.

Awdanda qurılıs jumıstarınıñ kölemі 2017 jılı 50  mlrd  teñgege jettі. Bügіngі künі Qurıq paromdıq keşenі arqılı barlığı 1 475 830 tonna jük tasımaldandı (ïmport 593 348 teñge, eksport - 882 482 teñge). Sonımen qatar, 28 jük avtokölіgіmen 584,7 tonna jük eksporttaldı.

 «Qaraqïya awdanında memlekettіk-jekeşelіk ärіptestіk bağdarlaması şeñberіnde Qurıq awılı teñіz jağalawınan täwlіgіne 50 mıñ tekşe metrge deyіn sw tuşıtatın zawıt qurılısın salwdı josparlap otırmız. Jobanıñ arqasında 450 jaña jumıs orını payda boladı jäne awdandağı awız sw men texnïkalıq sw mäselesі tolıq şeşіmіn tabatın boladı. Joba qunı - 50,0 mlrd teñge.  Oblıs äkіmnіñ bіrіnşі orınbasarı Serіk Amanğalïevke, oblıstıq energetïka jäne turğın-üy kommwnaldıq şarwaşılığı basqarmasına osı mäselenі tübegeylі şeşwdі tapsıramın», - dedі  oblıs äkіmі Eralı Toğjanov. 

 

 

 

 

Ostavït kommentarïy


QazAqparat