Keri

Astanada Xalıqaralıq jasıl texnologïyalar jäne ïnvestïcïyalıq jobalar ortalığı tanıstırıldı

17.05.2018 13:47


ASTANA. QazAqparat - Bügіn Global Challenges Summit 2018 forwmı ayasında Xalıqaralıq jasıl texnologïyalar jäne ïnvestïcïyalıq jobalar ortalığınıñ tusawkeser şarası ötіp jatır, dep xabarlaydı QazAqparat.

«Kürdelі sın-tegewіrіnderdіñ bіrі ekonomïkalıq ösіmdі, älewmettіk turaqtılıqtı jäne uzaqmerzіmdі keleşekte ekologïyalıq teñgerіmdіlіktі qamtamasız etw sanalatındığı sözsіz. Bul jahandıq qawіpsіzdіktіñ eñ özektі mäselelerіnіñ bіrі jäne Qazaqstan mol tabïğï reswrstarğa ïe el retіnde älemdіk energetïkalıq qawіpsіzdіktіñ turaqtı damwın qamtamasız etwdegі öz jawapkerşіlіgіn tüsіnedі. 2030 jılğa deyіngі kün tärtіbі men Parïj kelіsіmі älemdіk qoğamdastıq tolıqtay alğanda klïmattıq özgerіsterdі ustap turw üşіn küş-jіger bіrіktіrwge dayın ekendіgіn paş etіp otır. Bügіnde bіz üşіn atalğan procestegі öz ülesіmіzdі, älemdіk qoğamdastıqtıñ qoldawımen, Prezïdentіmіz Nursultan Nazarbaevtıñ bastamasımen qurılğan Xalıqaralıq jasıl texnologïyalar jäne ïnvestïcïyalıq jobalar ortalığın Sіzderge tanıstırw zor qurmet dep sanaymız», - dedі şara barısında QR Premer-Mïnïstrі Baqıtjan Sağıntaev.

Osı rette Premer-Mïnïstr BUU, EIDU, EQIU, Jañaratın energïya közderі jönіndegі xalıqaralıq agenttіk, Dünïejüzіlіk bank, EQBU, Azïya bankі jäne Ewropalıq komïssïyağa qoldaw körsetkenderі üşіn rïzaşılıq bіldіrdі.

«Xalıqaralıq ortalıq ötken jılı Astanada ötken «EKSPO-2017» xalıqaralıq körmesіnіñ murası bazasında qurılğan jäne öñіrdegі jasıl ekonomïkalıq ösіmdі küşeytwge bağıttalğan «Jasıl köpіr» serіktestіk bağdarlamasınıñ jalğası sanaladı. Bіz ol Ortalıq Azïyadağı bіrіnşі texnologïyalıq ortalıq retіnde ïnvestïcïya üşіn turaqtı ïnstïtwttıq negіzge aynaladı dep senemіz», - dedі ol.

Ol Qazaqstan Ükіmetі jañaratın energïya közderіn damıtw strategïyasın, öñіrlіk deñgeyde qorşağan ortağa kerі äserlerdі tömendetwdі ustanatındığın basa ayttı.

 

 

Ostavït kommentarïy


QazAqparat