Keri

Franswa Olland tabïğï reswrstar bağasınıñ turaqtılığın qamtamasız etwge şaqırdı

17.05.2018 14:07

ASTANA. QazAqparat - Francïyanıñ eks-prezïdentі Franswa Ollandtıñ payımınşa, älemdіk ekonomïkanı damıtw üşіn tabïğï reswrstardıñ bağalarınıñ turaqtılığın qamtamasız etw kerek. Bunday pіkіrdі ol Astana ekonomïkalıq forwmında ayttı, dep xabarlaydı QazAqparat tіlşіsі.

«Bіz bank salasında qïın jağday twındağan kezdegі ekonomïkalıq dağdarıstı este saqtawımız kerek. Ärïne, osınıñ barlığı jetkіlіktі pısıqtalmağan qadamdarğa baylanıstı bolwı mümkіn nemese bul mäselege layıqtı şeşіm jasalmadı. Sonımen qatar tabïğï reswrstar bağasınıñ quldırawın, onıñ іşіnde munay bağasınıñ tömendewіn nazarğa alw kerek», - dep toqtaldı F. Olland.

Francïyanıñ eks-prezïdentі ekonomïkalıq dağdarıs älemnіñ barşa öñіrіn şarpığanın, bul öz kezegіnde sawda jäne qarjılıq qatınastar salasındağı talaptardı qatayta tüswge ıqpal etkendіgіn atap öttі.

«Nätïjesіnde, barşa älem üşіn qolaysız saldardıñ twındağanın körіp otırmız. Säykesіnşe, täwekelder jekelegen elderde de bayqalwda. Osığan oray bügіnde tïіstі sayasï şeşіmderdіñ qabıldanwın kütwdemіz. Osı sayasï şeşіmderdіñ keybіrіn bіz qazіrgі kezde özіmіzdіñ memleketterіmіzdіñ ayasında qabıldawımız qajet. Nemese olardı jahandıq bastamalar ayasında däleldegen jön. Atap aytqanda, ekonomïkalıq, qarjılıq, kommercïyalıq salalardağı erejelerde turaqtılıqtı usınw kerek. Satıp alw qabіlettlіgі üşіn bağalar turaqtılığı qajet, äsіrese tabïğï reswrstar men şïkіzattıñ bağası turaqtı bolğanı abzal. Munımen qosa, sawda jasaw erejelerіn de oñtaylandırw kerek. Sebebі bügіnde osınday mümkіndіkter eskerіlmegen», - dep tüydі Franswa Olland.

 

 

Ostavït kommentarïy


QazAqparat