Keri

Öskemende street workout alañqayı aşıldı

14.06.2018 09:45

ASTANA. QazAqparat - Qazaqstan Ulttıq Olïmpïada komïtetі Öskemen qalasında street workout alañqayın aştı, dep xabarlaydı QazAqparat tіlşіsі QR UOK-nіñ baspasöz qızmetіne sіlteme jasap.

Saltanattı şarada Bar Bars komandası qala turğındarına arnalğan bükіlqalalıq jattığw uyımdastırıp, alañqayda jüyelі türde jattığw arqılı qanday jetіstіkke jetwge bolatının körsettі.

Street workout - sporttıq köşe mädenïetіn damıtwdağı eñ tanımal bağıttardıñ bіrі, bügіnde Qazaqstan UOK jobasınıñ arqasında qoljetіmdі sport türіne aynaldı. UOK prezïdentі Tïmwr Qulıbaevtıñ bastaması men jeke qarajatı esebіnen 2016 jıldan berі elіmіzdіñ är aymağında 50-den asa mamandandırılğan sporttıq alañqaylar aşıldı. Atap aytar bolsaq, Astana, Almatı, Şımkent, Qızılorda, Taraz, Qarağandı, Aqtaw, Aqtöbe, Jañaözen jäne Kökşetaw qalalarında jaña alañqaylar boy köterdі. Jobanıñ eñ bastı artıqşılığı - alañqaylardıñ tek oblıs ortalıqtarında ğana emes, oblıstan şalğay jatqan qalalarda da aşılwında.

«Qazaqstan UOK olïmpïadalıq sport türlerіn damıtwğa jawaptı. Alayda, buqaralıq sport bärіnіñ tüp negіzіnde turğanın esten şığarmaw qajet. Munday sporttıq alañqaylardıñ aşılwı balalar men jastardıñ dene şınıqtırw men sportqa den qoyuına sebep boladı. Aşıq aspan astındağı sporttıq zonalar el turğındarı üşіn tïіmdі ekenіn däleldep ülgerdі. Bіz alañqaylardıñ ülken suranısqa ïe ekenіn, qañırap bos qalmaytının bayqadıq. Ol jerde ünemі ärtürlі deñgeydegі sporttıq jarıstar ötіp turadı. Qazіrgі tañda Qazaqstan UOK ökіlderі el aymaqtarın aralawda. Osı orayda, bіz atalğan älewmettіk joba twralı bastı jañalıqtardı bіlіp otırmız. Bul jobanı ärі qaray jalğastıra beremіz. Aldağı waqıtta şalğayda jatqan awıldarda da alañqaylar boy tüzeydі», - dedі Qazaqstan UOK bas xatşısı Danïyar Abwlgazïn.

null

Öskemendegі sayabaq aymaqtarında qurılğan tört alañqaydıñ aşılw saltanatına oblıs basşılığı, Qazaqstan UOK men Qazaqstan STREET WORKOUT federacïyasınıñ ökіlderі qatıstı. Semeyde mamandandırılğan alañqaylardı aşw twralı jospar jaqın arada іske asadı. Semeydegі xalıq köp qonıstanğan awmaqta tört alañqay ornalasqan.

Street workout mamandandırılğan alañqayları eñ paydalı qurılğılarmen jabdıqtalğan. Alañqaydağı qurılğılar jabdığı bulşıqetterdіñ barlıq toptarın jumıldırıp, jattığwdıñ tïіmdіlіgіn arttıradı. Atalğan alañqaylardı ornatw arqılı turğındardıñ sportpen mülde tegіn aynalıswına jol aşıldı. Sport alañqayları elіmіzdegі qatal awa rayına da beyіmdelgen. Bul alañqaylardıñ bastı erekşelіgі - ülken awırtpalıqtı kötere alatın mıqtı bekіtwler. Al rezïnadan jasalğan jabdıqtar jattığw kezіnde jaraqat alw qawpіn seyіltedі.

Street workout federacïyasınıñ aytwınşa, bügіnde 80 mıñğa jwıq qazaqstandıq sporttıñ osı türіmen şuğıldanadı.

nullnull

Ostavït kommentarïy


QazAqparat