Keri

Şenewnіkter «Nurlı jerdіñ» tenderіn 30 mln teñgege satıp jіberdі

12.07.2018 15:27


ASTANA. QazAqparat - QR Memlekettіk qızmet іsterі jäne sıbaylas jemqorlıqqa qarsı іs-qïmıl agenttіgі paraqor şenewnіkterdі ustadı, dep xabarlaydı QazAqparat tіlşіsі. 

Agenttіktіñ resmï ökіlі Nurjan Jaxïnnіñ aytwınşa, Qostanay oblısında äkіmdіk qızmetkerlerі memlekettіk tenderdі käsіpke aynaldırıp, tapsırıstı jasap bergenі üşіn käsіpkerlerden іrі kölemde para alğan. Olar kädіmgіdey qılmıstıq sxemamen jumıs іstegen. Bіrіnşіsі - Qostanay qalalıq qurılıs bölіmі memlekettіk satıp alw sektorınıñ meñgerwşіsі Jünіsov, ekіnşіsі - oblıstıq memlekettіk säwlet-qurılıs baqılaw basqarmasınıñ bas mamanı Qulanbaev.

"Olar özara söz baylasıp, «Nurlı jer» memlekettіk bağdarlaması ayasında turğın üy qurılısı boyınşa memlekettіk satıp alw konkwrsında jeñwge kömek körsetken. Sol üşіn 30 mïllïon teñge kölemіndegі para aldı degen küdіk bar. Sot sankcïyası boyınşa Jünіsov jäne Qulanbaev qamawğa alındı. Sotqa deyіngі tergew jürgіzіlwde", - dedі N.Jaxïn Astanada ötken baspasöz mäslïxatında.

Ayta keteyіk, buğan deyіn QR Memlekettіk qızmet іsterі jäne sıbaylas jemqorlıqqa qarsı іs-qïmıl agenttіgі bölіm basşısın 1,7 mln teñgemen ustağanı twralı vïdeonı jarïyalağan bolatın.

Qarağandı oblısı boyınşa sot saraptaması ïnstïtwtınıñ basşılığı patologanatomdıq qızmetke zañsız jarnama jasap, sol üşіn jüyelі türde para alıp kelgen

 

 

Ostavït kommentarïy


QazAqparat