Keri

Elіmіzde jıl soñına deyіn jañadan 23 mektep aşıladı

15.09.2018 00:43


ASTANA. QazAqparat - Jıl soñına deyіn elіmіzde 23 mektep paydalanwğa berіledі. Bul twralı Bіlіm jäne ğılım mïnïstrlіgіnіñ baspasöz qızmetіnen mälіm ettі, dep xabarlaydı QazAqparat.

«2018 jılı tek respwblïkalıq byudjet esebіnen 53 mlrd teñgege 110 mektep salınwda. Bïılğı jılı 72 mektep paydalanwğa berіledі. Onıñ іşіnde 49 mektep 1 qırküyekte esіgіn aşsa, jıl soñına deyіn 23 mektep іske qosılatını josparlanwda», - delіngen mïnïstrlіk mälіmetіnde.

Ayta keteyіk, 2015-2017 jıldarı «Nurlı jol» memlekettіk bağdarlaması ayasında mektepterdіñ qurılısına 135 mlrd teñge bölіndі. Üş jıldıñ іşіnde Ulttıq qor, respwblïkalıq jäne jergіlіktі byudjet esebіnen 347 jaña mektep salındı. Yağnï 235 jaña mektep salw közdelgenіmen, jospar 147 payızğa asıra orındaldı.

QR Bіlіm jäne ğılım mïnïstrlіgі tarapınan jekemenşіk mektepterdіñ qurılısın ıntalandırw boyınşa şaralar qoldanılwda. Bul turğıda QR «Bіlіm twralı» Zañına säykes, memlekettіk bіlіm berw tapsırısın jekemenşіk mektepterge ornalastırwğa mümkіndіk beretіn tolıqtırwlar engіzіldі.

Sonımen qatar, qazіr qurılıs normaları men erejelerі oñtaylandırılıp, jan basına qarjılandırw ädіsіne özgertwler engіzіlwde. Aprobacïya nätïjesіnde mektepterdі basqarw boyınşa jïnaqtalğan jaña täjіrïbe respwblïkanıñ basqa öñіrlerіne, yağnï demografïyalıq ösіmі joğarı oblıs ortalıqtarında joba türіnde іske asatın boladı.

«Atap aytqanda, 2018-2019 oqw jılında Qazaqstannıñ 7024 mektebіne 3 mln astam oqwşı mektepke baradı, onıñ іşіnde 350 mıñı  bіrіnşі sınıp oqwşıları», - dep atap ötіlgen vedomstvo xabarlamasında.

 

 

 

Ostavït kommentarïy


QazAqparat