Keri

Sïnoptïkterdіñ 15 qırküyek küngі awa rayı boljamı

15.09.2018 01:31


ASTANA. QazAqparat - 15 qırküyek künі antïcïklonnıñ äserіnen Qazaqstannıñ  basım bölіgіnde jawın-şaşınsız awa rayı saqtaladı. Respwblïkanıñ tek soltüstіgіnde jäne şığısında frontaldıq bölіkterdіñ ötwіne baylanıstı jañbır jawadı.  Key jerlerde jel küşeyіp, oñtüstіkte jäne oñtüstіk-batısta  şañdı dawılmen jel soğadı, dep xabarlaydı QazAqparat «Qazgïdromet» RMK-ğa sіlteme jasap.

Atap aytqanda, Qostanay, Aqmola, Soltüstіk Qazaqstan, Pavlodar, Jambıl, Türkіstan oblıstarınıñ key jerlerіnde, kündіz Qızılorda, Mañğıstaw, Şığıs Qazaqstan oblıstarında, sonday-aq Almatı oblısınıñ Jalañaşköl awdanında jeldіñ ekpіnі 15-22 m/s küşeyedі. Qızılorda men Mañğıstaw oblıstarında şañdı dawıl turadı.

Şığıs Qazaqstan oblısınıñ key jerlerіnde tünde 3 gradws üsіk saqtaladı.

Sonımen qatar Qızılorda, Türkіstan, Mañğıstaw oblıstarında, Jambıl oblısınıñ basım bölіgіnde, Atıraw, Batıs Qazaqstan, Aqtöbe  jäne Qarağandı oblıstarınıñ key jerlerіnde joğarı ört qawpі saqtaladı.

 

 

Ostavït kommentarïy


QazAqparat