Keri

Astanalıqtar jalpıqalalıq senbіlіkke şığadı

15.09.2018 03:10


ASTANA. QazAqparat - 22 qırküyek künі Astanada jalpıqalalıq senbіlіk ötedі, dep xabarlaydı QazAqparat.

Elorda äkіmdіgіnen mälіm etkendey, senbіlіkke 2 mıñnan astam käsіporın men uyım, 46 joğarı oqw ornı men orta käsіptіk oqw mekemesі, 177 orta mektep men jalpı bіlіm beretіn mekeme, 58 densawlıq saqtaw mekemesі, 146 memlekettіk mekeme men uyımdar jäne käsіporındar, jalpı 72 mıñ adam qatısadı dep kütіlwde. Sonday-aq 520 bіrlіk mamandandırılğan texnïka jumıldırılmaq.

Ekologïyalıq şara barısında köşe boyları men trotwarlar, üyaralıq awdandardı jïnaw, nöser torları men arıq jüyelerіn tazartw, gülzarlarda, baqtar men sayabaqtarda jasıl jelekterdі kütіp ustaw boyınşa merzіmdіk іs-şaralar jürgіzw, sonday-aq zañsız jerlerde ornalasqan qoqıs üyіndіlerіn jïnaw josparlanğan.

Budan bölek, qalalıq jäne respwblïkalıq mekemelerdіñ qatıswımen 12 534 tüp ağaş otırğızılatını kütіlwde.

Ayta keteyіk, 15 qırküyek künі Astana qalası «Dünïejüzіlіk tazalıq künі» xalıqaralıq ekologïyalıq akcïyasına qosıladı. Jalpı oğan älemnіñ 150-den astam memleketі jäne 380 mln jwıq erіktі qatısadı. Akcïya barısında jïnalğan barlıq qaldıqtar (aralasqan qaldıqtardan qaytalama şïkіzattı bölek jïnaw) surıptalıp, odan ärі öñdew üşіn arnayı zawıtqa tasımaldanadı.

Astana qalasında küzgі abattandırw, kögaldandırw jäne sanïtarlıq tazalaw boyınşa ekologïyalıq aylıq 10 qırküyek künі bastalğan bolatın. Ol 10 qazanğa deyіn jalğasadı.

 

 

 

Ostavït kommentarïy


QazAqparat