Keri

Almatı oblısında jol tärtіbіne bağınbağandardan 1 mlrd teñgeden astam ayıppul öndіrіldі

11.10.2018 23:40

TALDIQORĞAN. QazAqparat - Bïıl Almatı oblısında  jol tärtіbіne bağınbağandardan 1 182 343 452 teñge öndіrіldі. Bul qarjı  jol qozğalısınıñ qatıswşılarına salınğan barlıq ayıppul somasınıñ şamamen 60  payızı, dep xabarlaydı QazAqparat tіlşіsі.

«Degenmen, turğındar tarapınan ayıppuldardı mіndettі türde tölew öz deñgeyіnde jürgіzіlmeytіnіn atap ötkіmіz keledі. Keybіr jağdaylarda ayıppuldardı öndіrw mäjbürlі türde jürgіzіlwde. Sonday-aq, ärtürlі ädіsterdі qoldanw mümkіndіgіn usınatın zamanawï onlayn-qızmetterdіñ kömegіmen de ayıppuldardı öndіrw іske asırılwda», - dep xabarlaydı Almatı oblısı ІІD baspasöz qızmetі.

Temіr tulpar tіzgіndegen tulğalar eñ köp jol beretіn quqıq buzwşılıq - jürgіzwşіlerdіñ jıldamdıq rejіmіn saqtamawı. Yağnï, tärtіp saqşıları QR Äkіmşіlіk quqıq buzwşılıq twralı kodeksіnіñ 592-babınıñ talabın buzwdıñ 74 151 deregіn tіrkegen.

Sonımen qatar, polïceyler äkіmşіlіk ayıppuldardı alğaşqı 7 täwlіk іşіnde tölegen jağdayda 50 payızdıq jeñіldіk berіletіnі twralı eskertedі.

 

 

Ostavït kommentarïy


QazAqparat