Keri

Fïrwza Şärіpova «Jıl adamı» atanwı mümkіn

09.11.2018 12:53


ALMATI. QazAqparat - Ekі salmaq sanatında bіrneşe çempïondıq belbewdіñ ïesі, qazaqstandıq käsіpqoy boksşı Fïrwza Şärіpova «Jıl sportşısı» atalımında jeñіske jetіp, «Altın Adam - Jıl adamı» sıylığınıñ lawreatı bolwı mümkіn, dep xabarlaydı QazAqparat tіlşіsі.

Saltanattı marapattaw räsіmі 20 qaraşa künі 18:30-da Almatıdağı Abay atındağı Qazaq memlekettіk akademïyalıq opera jäne balet teatrında boladı. Jıl sayınğı saltanattı şara osımen 19-şı ret ötkіzіlіp otır. Al jeñіmpazdarğa jobanıñ bas jüldesі - «Altın Adam» müsіnşesі, «Qoğamdıq moyındaw» jäne «№1 Jıl tañdawı» qurmettі medaldarı berіledі.

Ayta keteyіk, buğan deyіn «Jıl sportşısı» atalımında boksşı Qanat Ïslam, Olïmpïada oyındarında jüzwden altın medal alğan tuñğış qazaqstandıq Dmïtrïy Balandïn, WBC, WBA, IBF, IBO tujırımdarı boyınşa burınğı älem çempïonı Gennadïy Golovkïn, awır atlet, üş salmaq sanatında tört dürkіn älem çempïonı Ïlya Ïlïn sïyaqtı sportşılar jeñіske jetken.

Marapattaw räsіmіnde lawreattar, sonıñ іşіnde Zarïna Altınbaeva, «Turan» tobı, Іlïyas Awtov jäne Motor-Roller tobı, Qwat Bağısbekov, Ïrena Aravïna men Evgenïy Jumanov, Denïza Mwstafïnalar öner körsetedі.

 

 

Ostavït kommentarïy


QazAqparat