Keri

Astanada Maxatma Gandïge eskertkіş ornatw usınıldı

09.11.2018 12:57


ASTANA. QazAqparat - Astanada köşe nemese mektepterdіñ bіrіne Ündіstannıñ körnektі sayasï jäne qoğam qayratkerі Maxatma Gandïdіñ esіmіn berw usınıldı, dep xabarlaydı QazAqparat elorda äkіmdіgіne sіlteme jasap.

Munday usınıs Astana äkіmі Baqıt Sultanovtıñ Ündіstannıñ Tötenşe jäne ökіlettі elşіsі Prabxat Kwmarmen kezdeswі barısında aytıldı.

«Osı jılı bіz 2020 jıldıñ 2 qazanına deyіn jalğasatın Maxatma Gandïdіñ 150 jıldığın merekelewge arnalğan şaralar cïklіn bastaymız. Almatı qalasında onıñ qurmetіne qoyılğan köşe men eskertkіş bar. Eger Astana äkіmdіgі de älem tarïxında özіnіñ tereñ іzіn qaldırğan Gandïdіñ esіmіn mäñgіlіk etw ïdeyamızdı Qazaqstan astanasında da qoldasa, qwanar edіk», - dedі P. Kwmar. 

Bul rette, Elşі Astana köşelerіnіñ nemese mektepterіnіñ bіrіne Gandïdіñ esіmіn berwdі nemese onıñ qurmetіne eskertkіş ornatwdı usındı. P. Kwmar eskertkіş ornatılatın jağdayda onıñ dayındalwı men jetkіzіlwі ündіstandıq taraptan jüzege asırılatının atap öttі.

Astana äkіmі Elşіnіñ aytqan usınısına qızığwşılıq bіldіrіp, aldağı waqıtta osı jäne özge de jobalar boyınşa bіrlesіp jumıs іstewge dayın ekendіgіn jetkіzdі. 

Taraptar sonday-aq Astanada ündі sawda-іskerlіk ortalığınıñ qurılısın salw mümkіndіgіn, mädenï şaralardı bіrlesіp uyımdastırwdı jalğastırw sındı mäselelerdі talqıladı. Budan bölek, B. Sultanov Xalıqaralıq qarjı ortalığınıñ aşılwına baylanıstı bïznes jürgіzwdіñ jaña perspektïvası barın aytıp, ündі käsіpkerlerіn Astananıñ ïnnovacïya, aqparattıq texnologïya, bіlіm jäne densawlıq sïyaqtı salalarına ïnvestïcïya quyuğa şaqırdı.

 

 

Ostavït kommentarïy


QazAqparat