Keri

Qazaqstandıq awır atlet Älem çempïonatında ekіnşі orınğa şıqtı

09.11.2018 14:01

ASTANA. QazAqparat - Türіkmenstan astanası Aşxabadta ötіp jatqan awır atletïkadan 2018 jılğı Älem çempïonında Aleksandra Aborneva öz tobında ekіnşі orınğa şıqtı, dep xabarlaydı Sports.kz.

S tobında 87 kïlogramnan awır salmaq jarısına Qazaqstannan Ayzada Müptіlda men Aleksandra Aborneva qatıstı.

Julqï köterwden Ayzada ekіnşі (108 kg), Aleksandra üşіnşі (105 kg) nätïje körsettі. Serpe köterwden Ayzada 130 kg, al Aborneva 135 kg zіltemіrdі bağındırdı. Osılayşa, Aborneva qorıtındı esep boyınşa ekіnşі (240 kg), al Müptіlda törtіnşі (238 kg) orınğa turaqtadı. S tobındağı jalpı esepte brïtanïyalıq Emïlï Djeyd Kembell 248 kg nätïjemen köşbasşı boldı.

Eske sala keteyіk, buğan deyіn erler arasında Arlï Çontey (55 kg) kümіs, äyelder arasında Nadejda Lïxaçeva (71 kg) qola medal alğan bolatın. Zwlfïya Çïnşanlo (55 kg) besіnşі nätïjemen şekteldі.

Aşxabadtağı Älem çempïonatı 10 qaraşağa deyіn jalğasadı. Jalpı, Qazaqstan namısın bïılğı dodada 20 sportşı qorğap jür.

 

 

Ostavït kommentarïy


QazAqparat