Keri

Danïal Axmetov: «Altay» VK qızdarı – bolaşaq Olïmpïada çempïondarı

07.12.2018 17:47

ASTANA. QazAqparat - Şığıs Qazaqstan oblısınıñ äkіmі Danïal Axmetov öz öñіrіnde sport salasında qanday jumıstar atqarılıp jatqanın aytıp berdі, dep xabarlaydı QazAqparat tіlşіsі.

«Bіrіnşіden, bügіngі tañda bіzdіñ voleyboldan qızdar quraması älemnіñ klwbtıq çempïonatında öner körsetedі. Älbette, äzіrge bіz onda jeñіmpaz atanbasaq ta, aldağı waqıtta komanda özіn körsetetіnіn bіlіp otırmın. Olar - Olïmpïadağa baratın bolaşaq Olïmpïada çempïondarı. Qay waqıtta qazaq voleybolı onday därejede boldı? Ekіnşіden, bіz käsіbï «Altay» klwbın qurdıq. Tabısqa jetw üşіn eñbektenw kerektіgіn bіlemіz. Bіrneşe sportşımız alıs elderden kelіp jatır», - dedі Danïal Axmetov OKQ-da ötken baspasöz mäslïxatında.

Aymaq basşısı öz sözіnde oblıs namısın qorğap jürgen tört kenïyalıq atlet Qazaqstan azamattığın alıp, bіzdіñ eldіñ atınan öner körseter degen ümіtіn de jasırğan joq.

«Semeyde 24 jastağı Güljanar esіmdі marafonşımız bar. Tek mıqtı sportşılardıñ janında keleşektegі jeñіske jol salınarı anıq. Bіzde bіrneşe ay burın ürjarlıq jіgіt dzyudodan älem bіrіnşіlіgіnіñ kümіs jüldegerі atandı. Semey qalasında küresten mamandandırılğan ortalıq aştıq. Ondağıday tört bіrdey küres kіlemі Qazaqstannıñ bіrde-bіr jerіnde joq. Onda 200 bala tälіm alıp jatır, olar arnayı pansïonatta turadı. Öskemende de sonday ortalıq bar. Sondıqtan, men keleşekte sporttan ïgі jetіstіkter bolar dep ümіttenemіn», - dedі Danïal Axmetov.
null 

 

Ostavït kommentarïy


QazAqparat