Keri

Almatıda päter tonawmen aynalısatın qılmıstıq top qolğa tüstі

07.12.2018 17:56

ALMATI. QazAqparat - Almatıda päter tonawmen aynalısıp kelgen qılmıstıq top qolğa tüstі, dep xabarlaydı QazAqparat tіlşіsі Almatı qalalıq polïcïya departamentіnіñ baspasöz qızmetіne sіlteme jasap.

Qılmıstıq polïcïya basqarmasınıñ qızmetkerlerі Almalı awdanınıñ polïcïya bölіmі arnayı jasağımen bіrge päter tonawmen aynalısıp jürgen qılmıstıq toptı qolğa tüsіrdі. Qılmıstıq polïcïya basqarması xabarlağanday, qılmıskerlerdі ustardan bіrneşe mïnwt burın olar «Juldız» ıqşam awdanındağı bіr päterdі tonap ülgergen. Qılmıs ornınan sıtılıp şıqqan urılardıñ kölіgіn polïcïya qızmetkerlerі Alataw awdanında ustadı. Kölіkten urılardıñ soñğı päterden jımqırğan terі önіmderі men sandıq texnïkalar tabıldı. Urlanğan zattar tärkіlendі.

Tergew jumısınıñ qazіrgі satısınan anıqtalğanday, ustalğandar - Şığıs Qazaqstan oblısınıñ 25-29 jastağı azamattarı. Olardıñ Almalı, Bostandıq jäne Türkіsіb awdandarındağı kem degende tört päterdіñ tonalwına qatısı bar bolwı mümkіn. Päter tonawşılar urlıqqa tek kündіz tüsіp kelgen. Ustalğandar qamawğa alındı. Özge de qılmıstarğa qatıstılığı anıqtalw üstіnde. Sotqa deyіngі tergew amaldarı jalğasıp jatır.

Tañşolpan Begalıqızı

 

 

Ostavït kommentarïy


QazAqparat