Keri

Türkіstan oblısında 1 mıñ şaqırımğa jwıq jol jöndeledі

12.01.2019 05:00

TÜRKІSTAN. QazAqparat - Türkіstan oblısında ağımdağı jılı avtomobïl joldarı salasın damıtwğa respwblïkalıq jäne oblıstıq byudjetten jalpı 42 mlrd. 650,2 mln. teñge qaralıp, 69 nısan nemese 974,2 şaqırım jol men köşelerge jäne 8 köpіrge qurılıs-jöndew jumıstarı jürgіzіledі.  

Bul twralı Türkіstan oblısı äkіmdіgіnіñ baspasöz qızmetі xabarladı.

QR Ïndwstrïya jäne ïnfraqurılımdıq damw mïnïstrlіgіmen Türkіstan oblısınıñ äkіmdіgі arasında 2018 jıldıñ 30 qaraşasında «Türkіstan qalasınıñ jol-kölіk ïnfraqurılımın damıtw boyınşa özara tüsіnіstіk pen ıntımaqtastıq twralı» Memorandwmğa qol qoyılğan bolatın.

Kelіsіm negіzіnde 2019 jılı respwblïkalıq byudjetten 70/30 parïtetі negіzіnde oblıs kölemіndegі jergіlіktі mañızı bar avtomobïl joldarın jöndew jumıstarına 7,6 mlrd. teñge qaralğan. Negіzgі parïtet 50/50, yağnï maqsat - oblıstıq byudjetten bosağan 20 payız qarjını Türkіstan qalasınıñ іşkі köşeler jelіsіn damıtwğa bağıttaw bolıp tabıladı. Ağımdağı jılı Türkіstan qalasınıñ іşkі köşelerіnde jöndew jumıstarın jürgіzwge oblıstıq byudjetten - 2 mlrd. 587,5 mln. teñge qaralğan.

Sonday-aq, oblıs ortalığı Türkіstan qalasında jañadan salınatın äwejayğa (qalanıñ soltüstіk-şığıs bağıtında) baratın joldıñ qurılısın jürgіzw maqsatında oblıs äkіmdіgі tarapınan atalğan avtomobïl jolınıñ qurılısına ekonomïkalıq-texnïkalıq negіzdeme äzіrlenwde. Jalpı joldıñ uzındığı - 11,7 şaqırımdı quraydı.

Budan özge, Türkіstan qalasınan jaña avtobeketter salw boyınşa Şımkent bağıtında jeke ïnvestïcïya esebіnen 3 gektar awmaqqa täwlіgіne 10 mıñ jolawşığa (600 avtobws) qızmet körsete alatın jaña avtobekettіñ qurılısı jürgіzіledі. Qızılorda bağıtı boyınşa qazіrgі tañda oblıstıq säwlet jäne qala qurılısı basqarması jaña avtovokzaldıñ ornın anıqtaw üstіnde. Jaña avtovokzal salwğa ïnvestorlar nïet bіldіrwde.

 

Ostavït kommentarïy


QazAqparat