Keri

Türkіstandıq därіgerler özbekstandıq ärіptesterіmen memorandwm jasadı

12.02.2019 02:31

TÜRKІSTAN.  QazAqparat - Türkіstan oblıstıq densawlıq saqtaw basqarmasınıñ basşısı Muqan Egіzbaev Özbekstannıñ іrі medïcïnalıq mekemelerіnіñ dïrektorlarımen memorandwmğa qol qoydı, dep xabarlaydı QazAqparat.

«Basqarma basşısı körşіles memleketke jasağan jumıs saparı barısında Taşkent qalasınıñ Endokrïnologïya respwblïkalıq mamandandırılğan ğılımï-praktïkalıq medïcïnalıq ortalığınıñ dïrektorı, professor Anvar Älіmovpen jäne Respwblïkalıq mamandandırılğan pedïatrïya ğılımï-täjіrïbelіk medïcïnalıq ortalığınıñ dïrektorı Dïlorom Axmedovamen kezdestі», delіngen xabarlamada.

Ekіjaqtı memorandwm ayasında ekі eldegі medïcïnalıq mekemelerdі jañğırtw, telemedïcïna salasındağı ıntımaqtastıq boyınşa jobalardı jüzege asırw, bіrlesken ğılımï-praktïkalıq semïnarlar men konferencïyalar uyımdastırw mäselelerі kelіsіldі. Sonday-aq, atalğan qujat kölemіnde özara käsіbï bіlіktіlіgіn arttırıp, aqparatpen jäne täjіrïbemen almasadı. Jaña texnologïyalar men jaña medïcïnalıq jabdıqtardı äzіrlew salasında da özara bіlіktіlіgіn jetіldіredі dep kütіlwde.

Özbekstandağı Endokrïnologïya respwblïkalıq mamandandırılğan ğılımï-praktïkalıq medïcïnalıq ortalığı - bul atalğan eldіñ eñ üzdіk medïcïnalıq mekemelerіnіñ bіrі. Bul ortalıq qazіrgі zamanğı emdew-dïagnostïkalıq, ğılımï-zerttew jäne endokrïnologïyalıq beyіndegі pedagogïkalıq keşen bolıp esepteledі.

Endokrïnologïya ortalığınıñ basım mіndetterіnіñ bіrі - yod tapşılığı jağdayın joyu, qant dïabetіn dïagnostïkalaw men emdewge zamanawï közqaras, qalqanşa bezіnіñ patologïyasın emdew jönіndegі іs-şaralar, onıñ іşіnde qalqanşa bezіnіñ saralanğan obırınıñ türlі türlerіn qosa alğanda, jedel quraldar men nwklearlıq medïcïna ädіsterіn qamtïdı.

Ortalıq dïrektorı Dïllor Axmedova - 300-den astam ğılımï basılımnıñ avtorı, därіger-pedïatr, ğalım, Densawlıq saqtaw jäne xalıqtıq bіlіm berw іsіnіñ üzdіgі.

Ortalıq balalarğa mamandandırılğan kömek körsetw, pedïatrïya salasında ğılımï zerttewler jürgіzw, 13 öñіrlіk köp beyіndі balalar medïcïnalıq ortalıqtarınıñ qızmetіn üylestіrw jäne monïtorïngіlew, el öñіrlerіnde şeftіk jäne konswltacïyalıq kömek körsetw jolımen onı körsetwdіñ barlıq deñgeylerіnde balalarğa medïcïnalıq kömektіñ sapasın arttırw boyınşa uyımdastırw-ädіstemelіk bağıttarında jumıs atqaradı. 

 

 

Ostavït kommentarïy


QazAqparat