Keri

ŞQO-da 23 mıñnan astam köpbalalı ana bar

12.02.2019 06:14

ÖSKEMEN. QazAqparat - 9-10 aqpan künderі Şığıs Qazaqstan oblısı boyınşa ötken «Jaqsılıq jasa» jäne «Jürekten - jürekke» akcïyalarınıñ qorıtındısı jarïyalandı, dep xabarlaydı QazAqparat tіlşіsі.

Demalıs künderіne döp kelgen ekі kündіk akcïyanıñ alğaşqı nätïjelerіn oblıstıq densawlıq basqarması men bіlіm basqarmasınıñ ökіlderі jarïyaladı. Oblıstıq densawlıq saqtaw basqarması basşısınıñ orınbasarı Rayfa Safïollanovanıñ aytwınşa, öñіrde 23 mıñnan astam köpbalalı ana bar. Al 320 mıñnan qız-kelіnşek bar. Jıl sayın bul sanattağı azamatşalardıñ barlığı bіrneşe medïcïnalıq tekserwden tegіn ötіp otıradı.

«Medïcïnalıq mekeme mamandarı köpbalalı jäne turmısı tömen otbasılarğa ünemі bas suğıp, tegіn qaraydı. Qajet bolğan jağdayda densawlıq saqtaw mïnïstrlіgі bekіtken tіzіmde körsetіlgen därі-därmektermen tegіn qamtamasız etedі. Jas bosanğan analarğa psïxologïyalıq-profïlaktïkalıq kömek berіledі» - deydі Rayfa Safïollanova.

Al bіlіm basqarması basşısınıñ orınbasarı Qajımuqan Ospanğalïev «Jürekten - jürekke» akcïyası ayasında 4 päterge qajettі jöndew jürgіzіlgenіn atadı.

«Erіktіler qozğalısına tartılğan Ulan awdanınıñ oqwşıları 3 otbasınıñ päterіne ärlew jumıstarın jasap berdі. Al Semey qalasındağı elektr-texnologïyalıq kolledj ujımı men stwdentterі jılw batareyası qatıp qalğan päterge jaña jüye ornatıp berdі. Materïaldıq şığın kolledjdіñ byudjetten tıs tabısı esebіnen öteldі. Atalmış akcïyanıñ kelesі kezeñі Tülek.kz saytı arqılı jürgіzіledі. Buğan deyіn muqtaj balalarğa bastamaşıl toptar öz usınıstarı boyınşa kömek körsetse, endіgі jerde balalardıñ arman-tіlekterі saytqa qoyıladı. Qamqorlıqqa nïettі jandar sol sayt arqılı özі tañdağan balanıñ tіlegіn orındap berwge mümkіndіk aladı» - deydі basqarma ökіlі.

Qajımuqan Ospanğalïevtіñ aytwınşa , 2018 jılı muqtaj balalardı qoldaw üşіn jalpığa mіndettі oqw qorınan 1,342 mlrd teñge bölіngen. Bïıl 1,371 mlrd teñge bölіnbek. Bul qarjığa köp balalı jäne turmısı tömen otbasılardıñ balaları mektepke qajet kerek-jaraq pen oqwşı formasın, sporttıq kïіmder men ayaqkïіmderdі tegіn alwda. Sonday-aq, bul sanattağı oqwşılar atalmış qor esebіnen üyіrmeler men jazğı sawıqtırw lagerlerіne tegіn barmaq.

«Bіr ğana Semey qalasında 49 bala jekemenşіk balabaqşağa tegіn barwğa mümkіndіk aldı. Al käsіbï-texnïkalıq kollledjderge muqtaj otbasıdan şıqqan tülekter bіrіnşі kezekte qabıldanatın boldı» - dedі Qajımuqan Ospanğalïev.

 

 

Ostavït kommentarïy


QazAqparat