Keri

Älemdіk baspasöz Nawrız twralı ne jazadı?

16.03.2019 11:46


ASTANA. QazAqparat -  Ulıstıñ ulı künі - Nawrız merekesі adamzattıñ qundı murası retіnde 2009 jıldıñ 30 qırküyegіnde YuNESKO-nıñ mädenï muralar tіzіmіne engіzіlgen. 2010 jılı Bіrіkken Ulttar Uyımı Nawrız merekesіn - xalıqaralıq kün retіnde jarïyaladı. Tіrşіlіk älemі oyanıp, qayta tüleytіn Nawrız meyramın türkі xalıqtarı ğana emes, älemnіñ köptegen elderі ülken qwanışpen qarsı alıp, ıstıq ıqılaspen merekeleydі. Osığan baylanıstı «QazAqparat» XAA oqırman nazarına Nawrız twralı älemdіk aqparat közderіne jarïyalanğan materïaldarğa şolwın usınadı.

Jaña jılda älem jañaradı - India Today
null 

«Älemnіñ köptegen memleketterіnde Jaña jıl retіnde köktemnіñ alğaşqı künі toylanadı. Ejelgі küntіzbe boyınşa bul 21 nawrızğa say keledі. Nawrız meyramın ärtürlі dіn ökіlderі, ärtürlі xalıqtar toylaydı. Bul merekede bükіl älem jañaradı», dep jazadı India Today basılımı. Avtor maqalada Nawrız meyramın toylaw 3 mıñ jıl burın bastalğanın atap ötedі.  

«Nawrız jaña ömіrdіñ bastawı. Bul merekenі toylaytın xalıqtar osı künі ulttıq kïіmderіn kïіp, dästürlі tağamdarın äzіrleydі. Bіr bіrіnen keşіrіm surap, beybіt ömіr tіleydі», dep jazadı avtor. Onıñ aytwınşa, Nawrız qarsañında qayırımdılıq jasawşılar qatarı artadı.

Nawrızda kün men tün teñesedі - The Telegraph
null 

«Köktemde jıl mezgіlderі almasıp, kün men tün teñesedі. Awa rayı salqın bolğanımen, bul uzaq waqıt almaydı. Sebebі köktemnіñ astronomïyalıq bası 1 nawrız emes, 21-22 nawrızğa tuspa tus keledі. Däl osı kezde kün uzarıp, tün qısqaradı. Jer gülge oranıp, kün rayı jılınadı», dep jazadı The Telegraph basılımı.

Avtor maqalada nawrızdıñ däl osı künderі kün men tünnіñ teñesetіnіn jazadı.

«Köktemnіñ bul kezіnde köptegen memleketterde Nawrız merekesі toylanadı. Nawrız köptegen mädenïetterde eñ negіzgі meyram sanaladı, sebebі däl osı waqıtta Kün Jerdіñ ekvatorınan ötedі», dep jazadı avtor. Maqalada avtor Künnіñ şığısın da, batısın da däl osı kezeñderde körwge bolatının, jıldıñ basqa mezgіlderіnde bul mümkіn emes ekenіn aytadı.

«Nawrız köptegen elderde jıl bası sanaladı. Parsı tіlіnen awdarğanda bul söz «Jaña kün» degen mağınanı beredі. Nawrız merekesі üş mıñ jıl burın toylana bastağan. Bügіngі tañda bul mereke Ortalıq Azïya, Batıs Azïya, Kavkaz elderіnde keñ tarağan», dep jazadı avtor. Onıñ aytwınşa, Keñes Odağı kezіnde Nawrız resmï türde tek Ïranda toylanıp kelgen.

«Kavkaz jäne Ortalıq Azïya elderі täwelsіzdіk alğan soñ ğana Nawrızdı ulttıq merekelerі retіnde tanıdı», deydі avtor.

Amerïkada Nawrız festïvalі ötedі - The Los Angeles Times
null

Los Andjeleste bïıl altınşı jıl qatarınan Nawrız festïvalі toylanadı. The Los Angeles Times basılımınıñ jazwınşa, nawrız ejelgі küntіzbedegі eñ mañızdı meyramdardıñ bіrі.

«Ejelgі adamdardıñ dana bolğanı sonşa, olar Jaña jıldı Tabïğat Ananıñ jañarwına tuspa tus keletіn waqıtta, yağnï, Nawrız ayında toylağan. Bul mereke Jer şarındağı ömіrdіñ jasarwın, jañarwın körsetedі», dep jazadı avtor. Onıñ jazwınşa, Tabïğat Ana barda Nawrız merekesі de toylana beredі.

«AQŞ prezïdentterі soñğı qırıq jılda Nawrızdı toylaytın xalıqtarğa quttıqtaw joldaydı. Nawrız adamdarğa maxabbat, beybіtşіlіk, süyіspenşіlіk, baqıt twralı eske saladı. Tüptep kelgende, bükіl adamzat bіr otbası emes pe?», deydі avtor.

Kalïfornïya wnïversïtetіnde Nawrız toylanadı - NBC
null 

«Köktemde samal jel esіp, äsem gülder şığa bastaydı. Bul kezeñ toy toylap, än aytwğa arnalğanday. Degenmen, köktemnіñ kelgenіnen-aq köpşіlіgіmіz waqıtımızdı köñіldі ötkіzwge tırısamız. Al älemnіñ tükpіr tükpіrіnde köptegen xalıqtar bul ayda Jaña jıldı qarsı alıp, Nawrız merekesіn toylaydı», dep jazadı NBC basılımı.

Avtor maqalada Nawrız meyramında xalıq bіr bіrіne meyіrіn tögіp, jaqınday tüsetіnіn, ulttıq kostyumder kïіp, türlі koncertter uyımdastırılatının jaza kele, Kalïfornïya wnïversïtetі bïıl 11-ret tegіn іs şara uyımdastıratının aytadı.

 

 

 

Ostavït kommentarïy


QazAqparat