Keri

15 şіlde. QazAqparat küntіzbesі

15.07.2019 07:00

NUR-SULTAN. QazAqparat - QazAqparat oqırmandarına 2019 jılğı 15 şіldege arnalğan küntіzbesіn usınadı.

Bükіlälemdіk jastar dağdıları künі

Bіrіkken Ulttar Uyımı bekіtken. 2014 jılı 18 jeltoqsanda BUU Bas Assambleyası № A/RES/69/145 qararın qabıldadı. Bul qujat boyınşa elderdіñ ükіmetterіne ömіr sürwdіñ ekonomïkalıq jağdayına, jastar arasındağı jumıssızdıq problemasına nazar awdarwğa usınıs berіledі. 

ESTE QALAR OQÏĞALAR

1992 jılı Qazaqstan Respwblïkası men Rwmınïya arasında dïplomatïyalıq qarım-qatınas ornadı.

1997 jılı «Qorşağan ortanı qorğaw twralı» Qazaqstan Respwblïkasınıñ Zañı qabıldandı.

1999 jılı Qazaqstan Respwblïkası Prezïdentі Nursultan Nazarbaev Almatı oblısınıñ Talğar qalasın awdandıq mañızdağı qalalar sanatına engіzw twralı Jarlıqqa qol qoydı.
1999 jılı Tretyakov galereyasında (Mäskew) qazaqstandıq swretşі, Salvador Dalï atındağı xalıqaralıq sıylıqtıñ ïegerі Erbolat Tölepbaevtıñ jeke körmesі bolıp öttі.

2010 jılı Pavlodar awdanı Grïgorevka awılınıñ mwzeyі jaña eksponatpen tolıqtı. Balıqşılar Ertіs özenіnen ejelde ömіr sürgen mamonttıñ bіr metrden asatın azwın tawıp aldı. Qazaqstandağı üzdіk mektep mwzeyі dep tanılğan mwzeyde Qazaq dalasın mekendegen ejelgі janwarlardıñ süyekterі bar. Osıdan elw jılday burın Ertіs özenі osı awıldıñ janınan ağıp ötetіn tusındağı arnasın özgertken bolatın. Sodan berі arxeologtar osı mañnan ejelgі janwarlardıñ süyekterіn tawıp jür.

2010 jılı «QazMunayGaz» UK» AQ men «Şell Kazaxstan Development B.V.» kompanïyası Soltüstіk-Kaspïy jobası ayasında akcïonerler kelіsіmіne qol qoydı. Oğan säykes, «QMG» «Şell» kompanïyasımen teñdey şarttar negіzіnde NC Production Operations Company B.V. (NCPOC) kompanïyasına kіrdі.

2014 jılı Arqalıq pedagogïkalıq ïnstïtwtınıñ professorı Äbіlxan Ümbetov fïzïka salasındağı önertabıstardı damıtwğa qosqan ülesі üşіn Resey tabïğattanw akademïyasınıñ Nobel altın medalіn aldı. Medal «Lazerlі ölşew quralı» ğılımï-zerttew jumısına berіldі.

2018 jılı Fïzïka-matematïka bağıtındağı Nazarbaev zïyatkerlіk mektebіnіñ oqwşısı Nurdäwlet Tawmergenov «Yakutsk International Science Fair» attı oqwşılar arasında ötken Xalıqaralıq ğılımï-konferencïya bayqawında gran-prï jeñіp aldı. Oqwşı ımmen jetkіzіlgen sözderdі GloveSpeaker qolğabı arqılı awızekі söylew tіlіne awdarwğa arnalğan jobanı tanıstırdı. Onıñ oylap tapqan twındısı mılqaw adamdarmen qïındıqsız tüsіnіswge mümkіndіk beredі. Sïngapwr ulttıq wnïversïtetіnіñ professorı, Xalıqaralıq zïyatkerlіk oyındardıñ bağdarlamalıq komïtetі törağası Leon Çwan Kvek jäne «Maytona» kompanïyasınıñ prezïdentі Aleksandra Baïşeva jeñіmpazğa 5 mıñ AQŞ dollarınıñ arnayı sertïfïkatın tabıs ettі.

2018 jılı Kalatwra qalasında (Şrï-Lanka) 7-17 jastağı mektep oqwşıları arasında şaxmattan 14-şі Azïya çempïonatı öttі. Oğan älemnіñ 16 elіnen 400-den astam jas darın ïelerі qatıstı. Onda toğız jasar atırawlıq Zarïna Nurğalïeva rapïd jäne blïc boyınşa altın medal ïelendі.

Ostavït kommentarïy


QazAqparat